影片
更多
2010-02-12
193 浏览
传统菜都食过好几间，今次就试下得龙，名就听过好耐，亦有朋友黎过。4日前已经订位，但系就唔记得订野食，食之前1日打去，D单已经full哂啦…唯一个佛跳墙仲未fully book，照杀！菜式基本上是睇左食评先叫啲~花雕话梅猪手 - 花雕酒好浓，好香(我实在好钟意花雕果种酒香味)，加上话梅果种酸酸甜甜，作为餐前小食，就最适合不过。佛跳墙 - 叫左个4人份量，都足够我地7个人分，每人1碗啱啱好。如果自命系汤神啲就唔该order个大D架啦~汤啲味道浓郁，材料的精华完全溶响汤里面个，卖相亦非常清澈，入口鲜又味，望下个碟汤渣先~有乌鸡、瘦肉、金华火腿、花胶、海参、正淮山、螺头、杞子…材料好丰富呀！古法太爷鸡 - 味道特别，而且好入味，食落有阵好清啲茶熏味(好似茶叶蛋咁，但系冇咁浓烈)，以为咁入味，D肉就嚡口啦?又错啵~D鸡肉啱啱好，够熟又嫩滑，熏过啲鸡皮特别好食，配合埋鸡肉啲黄油…哗~胆固醇?咩黎架！?果然系得奖啲菜色，好味!呢个太爷鸡今我想起我妈妈做啲油熏鸡，我立即问番坐响我旁边啲妈咪D味道似唔似，佢都话似呀~不过因为油熏鸡啲烹调时间好耐，妈咪近呢10年都冇煮过啦~(我老公一听到就立即叫佢整啦~因
菜式基本上是睇左食评先叫啲~
花雕话梅猪手 - 花雕酒好浓，好香(我实在好钟意花雕果种酒香味)，加上话梅果种酸酸甜甜，作为餐前小食，就最适合不过。
佛跳墙 - 叫左个4人份量，都足够我地7个人分，每人1碗啱啱好。如果自命系汤神啲就唔该order个大D架啦~汤啲味道浓郁，材料的精华完全溶响汤里面个，卖相亦非常清澈，入口鲜又味，望下个碟汤渣先~有乌鸡、瘦肉、金华火腿、花胶、海参、正淮山、螺头、杞子…材料好丰富呀！
古法太爷鸡 - 味道特别，而且好入味，食落有阵好清啲茶熏味(好似茶叶蛋咁，但系冇咁浓烈)，以为咁入味，D肉就嚡口啦?又错啵~D鸡肉啱啱好，够熟又嫩滑，熏过啲鸡皮特别好食，配合埋鸡肉啲黄油…哗~胆固醇?咩黎架！?果然系得奖啲菜色，好味!呢个太爷鸡今我想起我妈妈做啲油熏鸡，我立即问番坐响我旁边啲妈咪D味道似唔似，佢都话似呀~不过因为油熏鸡啲烹调时间好耐，妈咪近呢10年都冇煮过啦~(我老公一听到就立即叫佢整啦~因为我honey都未食过…嘻~)
砵酒焗桶蚝 - 卖相就真系一般啦，而且价钱我觉得高左少少(好似$178，仲得果6只咋)。但味道方面又的确好味啵~砵酒味好浓，外层做得好香，个汁收到啱啱好，当一啖咬落去果阵，蚝啲鲜味立即充满响口腔埋，配合生菜一齐食，口感顿时清爽，一D都唔觉得油腻，仲想食多只添，不过得果6只…份量少D啰…
虾籽柚皮 - 点讲好呢…柚皮一D苦涩味都冇，又够厚身，而且煮到好软绵绵，个芡有味，但系就入唔到落个柚皮到，而且个虾籽既唔鲜，又唔香…冇咩味道可言…失败
山揸咕噜肉 - “埋飞佛”~当然要试啦！酸甜味啱啱好，唔系果D一入口就酸死果只，个芡汁完全黏住粒咕噜肉，而只碟底系唔多汁啲，炒功一流，脆浆都OK(唔系话佢唔好，不过我食过更好啲，系拔丝咕噜肉…真系谂起都想食)~如果可以再用靓D啲肉排会更好，(一层肥一层瘦果D呢~)因为我一咬落去就系肥肉，感觉当堂腻哂~
鸡蛋焗鱼肠 - 我唔食鱼肠，不过我妈咪同我honey就话一D腥味都冇，而且仲有D粉丝、冬菇粒同火腿粒，见到佢地食完又再添，应该好味啲~不过我honey食食下至问”乜冇油炸鬼啲?” 话虽如此，佢地依然清哂啰…
虾多士 - 油左D，同埋好淡口，用D甜酸酱非沙律酱黎点…唔得，都系太子凤城出色好多~
瑶柱扒豆苗 - 好细碟，卖相唔得，味道一般啦~
寿包 - 估唔到呢样系先家制啲，D莲容唔系太甜，OK啵~
红豆沙 - 个红豆沙起沙兼有陈皮香味…得！
杞子桂花糕 - D桂花唔靓，有D仲刺到我个口腔…no good！
整体上，食物质数都OK，但系环境同卫生方面就有好大啲改善空间，地下非常滑，滑到我唔敢用佢地啲洗手间，因为楼面都”咁干净”… 洗手间唔方干净得去边。侍应啲服务态度就一DD啦，可能有几个系老伙计…态度就差D啰。
一试都无妨啲~
张贴
