芝士蛋糕專門店 (已搬遷) 新店位置

话说本人好钟意食芝士蛋糕，但要揾到好味而又唔太贵嘅芝士蛋糕唔系咁容易😔但系，最近我发现咗新大陆！🤩🤩🤩星期六去同事屯门屋企玩，晏昼喺雅都GoGo Mall食嘢，临走𠮶阵见到有间新开嘅芝士蛋糕专门店，个名又几特别㖞，叫YuMo Cheese，好日式嘅感觉，望落啲蛋糕都几吸引，就买几件上去晏啲做下午茶😎😎😎我拣咗朱古力芝士蛋糕，其他人分别拣咗原味烤芝士蛋糕、北海道双层芝士蛋糕同埋草莓抹茶芝士蛋糕，1人1款咁可以试唔同味道🥳🥳🥳下午茶时间终于来临，一打开，每件蛋糕都独立用个扇形纸盒装住，方便拎起嚟食，抵赞！而每件蛋糕都比连锁店𠮶啲厚身，抵食！至于味道方面，朱古力芝士蛋糕：朱古力香浓又唔太甜，十分滑溜，好好食！原味烤芝士蛋糕：实的的，绵滑中渗出好清新嘅柠檬味，食多几件都唔惊漏！北海道双层芝士蛋糕：口感比较松软，芝士味非常突出，只系略嫌融得比较快，建议喺雪柜拎出嚟之后要快啲食🙈🙈草莓抹茶芝士蛋糕：卖相红红绿绿好靓，中间层抹茶奶冻好香好滑，少少苦，茶味香浓，加埋啲新鲜草莓，好夹！今次一次过试足4款高质芝士蛋糕真系好难得好满足，下次要再试埋其他！😋😋😋