神屋流博多道場 (已結業)

大战一堆烦人o既文件大半天后,虚耗左我大半o既能量…>+++<原本难得放半天,十二点就可以闪人的我…做做做做做…做到两点先可以松人!!!做到鬼咁攰,虽然得一个人,都要食好d!!对自己好d呢!见晏d仲约左老友o系总统睇戏,谂住近近地杀入世贸揾食先~原本谂住食海南鸡的!但真系多人到呢...见旁边的博多道场可能因为都成两点二喇~开始冇咁多人,等左8分钟度就有位喇~速速叫野食~点左我最爱的"猪软骨拉面同埋一串三文鱼腩串烧~串烧好快上枱~可能因为太肚饿啦...觉得串串烧好似特别香香脆好食!咬落去个面唔单止脆,仲有少少盐香~加上有浓香的鱼油味~一d都唔dry~好正!好快比我k.o.左成串!等左一阵,终于有热辣辣拉面食~~这个拉面真系一试难忘呢!面质不但十分烟韧,吸收埋浓汤o既精华,真系好正~另外,猪软骨肉质好腍~好入味~真系回味无穷呢~~望望menu,依度除左多串烧款色,原来都有什锦刺身~卖相仲好似几吸引,下次同老友gathering,想试下~heehee~~