古早味台灣原味 (已結業)

月尾粮尾嘅时候多数会拣食台湾野，价钱合理又好食。今日就拣左铜锣湾嘅古早味，一尝正宗台湾风味。古早味嘅装修几有心思，一入去系石春地，左右两边挂左啲怀旧相，适合打卡。卤肉饭 $58食左咁多餐厅嘅卤肉饭，呢个卤肉饭算系中上水平。平时餐厅嘅卤肉饭多数汁居多，用肉汁送白饭。今次嘅卤肉饭好足料，良心地比左好多肉，仲有只卤蛋。猪肉半肥瘦，咬落好香，送饭一流。盐酥豆腐 $38为左呢个豆腐，我有冲动再嚟食多次。外面炸得香脆但唔太油，入面啲豆腐好滑，一啖一件，宜家好少餐厅可以整炸豆腐整得咁好食。酥炸大鸡排 $3838蚊大大块鸡排，味道有啲似kfc爆谷鸡，外面炸而入面嘅鸡嫩，食落几特别。珍珠茉香奶绿 $2222蚊一大杯珍奶，都几抵饮。入面嘅珍珠同出面街买嘅珍奶唔太同，比较烟韧，似人手整珍珠。烧仙草红豆芋圆 $35甜品系芋圆，几惊喜因为平时凉粉多数系冻食，今次甜品系热食。两个人食都系210蚊，食到多款野食又饱，系粮尾之选。