越旺美食 (已搬遷) 新店位置

大角咀不嬲多美食，呢间越南菜食过几次，仍然保持水准。蒜蓉炒通菜 - 甜甜地，炒完都唔黑，好够味。食越南野点可以唔叫pho？！牛肉够生，又重牛味。失策唔记得叫金边粉，好彩河粉都好食。个汤好清甜，不错。蒸粉卷 - 个人麻麻地钟意食，太多香菜同其他配料。怪味鸡 - 好特别，甜甜酸酸，好开胃。比起口水鸡，呢个好食好多，起码味道有层次！个汁有好多葱粒同蒜粒，好足料。咖哩牛腩又系必点，牛腩唔痴牙，好食！点埋薄饼仲正！又有生菜、洋葱、青椒同薯仔，抵食！小食拼盘 - 包罗万有，春卷点完醋再包生菜食好清新，有助解腻。