影片
更多
2012-11-21
696 浏览
踏入生日月份, 第一餐生日饭我拣咗去帕莎食, 其实好耐之前已经想去, 不过次次都被选择障碍症所影响, 结果拖到今日...星期五六日要分2个时段食, 第一段系6:00-8:45PM, 6:00PM实在太早啦, 最后我地Book咗7:00PM... 今晚Minimum Charge每人$250, 原来系计加一服务费之前, 即系加埋一每人Min Charge $275...见有网民话间餐厅好难揾, 荡失路, 所以我系MTR N4 出口一出, 就去CS问路... 原来好方便o架, CS直望Misocool侧边条路, 行到尾去霞飞, 侧边条巷尽头搭Lift上4楼就系...一出Lift门, WoW... 灯光好昏暗, 新疆菜嘅神秘面纱正在等你掀开... 接近入口的梳化位比较有特色, 我地被安排坐系大厅之中冇咩特色的圆枱...进入餐厅前, 要洗3次手, 会为你带来好运...落单前, 大家都叫番杯特饮先, 我要芒果乳酪芦荟梳打... 嘻嘻, 原来唔记得影相, 因为又要拣菜又要同迷路者讲电话实在大忙啦... 外型似Smoothie, 饮唔到乳酪味, 又饮唔到梳打味, 食到有芒果粒粒同芦荟粒粒, 味道系O
星期五六日要分2个时段食, 第一段系6:00-8:45PM, 6:00PM实在太早啦, 最后我地Book咗7:00PM...
今晚Minimum Charge每人$250, 原来系计加一服务费之前, 即系加埋一每人Min Charge $275...
见有网民话间餐厅好难揾, 荡失路, 所以我系MTR N4 出口一出, 就去CS问路... 原来好方便o架, CS直望Misocool侧边条路, 行到尾去霞飞, 侧边条巷尽头搭Lift上4楼就系...
一出Lift门, WoW... 灯光好昏暗, 新疆菜嘅神秘面纱正在等你掀开... 接近入口的梳化位比较有特色, 我地被安排坐系大厅之中冇咩特色的圆枱...
进入餐厅前, 要洗3次手, 会为你带来好运...落单前, 大家都叫番杯特饮先, 我要芒果乳酪芦荟梳打... 嘻嘻, 原来唔记得影相, 因为又要拣菜又要同迷路者讲电话实在大忙啦... 外型似Smoothie, 饮唔到乳酪味, 又饮唔到梳打味, 食到有芒果粒粒同芦荟粒粒, 味道系OK嘅, 甜甜地嘅芒果Milk Shake咁啰...
落单后, 有职员埋o黎Sell VIP Card, 原来系景乐集团(King Parrot)经营, 之前睇电视又话系新疆人开嘅?!!
小𫗵包配橄榄酱&鸡肝酱(免费)-- 餐前奉上的面包, 可以蘸橄榄酱或者鸡肝酱一齐食, 面包有点酥但又好扎实, 口感都几特别, 朋友激赞鸡肝酱好好味, 另一朋友就话橄榄酱好好味... 我自己就2样都钟意, 鸡肝酱味道似淡咗鸭肝酱, 橄榄酱嘅香草配搭得好香...
烤包配中东三重奏[鸡心荳茸配菘子, 青爪乳酪, 茄子茸配杏仁]($88)
--外型似没有馅的Pizza, 热辣辣的, 蘸青瓜乳酪很清新, 蘸鸡心荳茸也不错, 忘记了蘸茄子茸...
手撕香梨椒麻鸡($78)--哗!!! 好好好好好咸呀!!! 打泻盐呀?!! 太咸, 食唔出有香梨, 剩系食到好多青瓜...
烤鸭酿烤饼($85)
--哗!!! 过多甜面酱, 只吃到满口都系甜面酱, 其他甚么也吃不到...
酥皮特选[鸡肉薄荷雪茄, 菠菜角, 牛尾干果]($98)--鸡肉薄荷雪茄说穿了即是春卷, 春卷皮很脆, 很香口... 酥皮菠菜角真的很酥, 菠菜馅填得满满, 很好吃...
烤牛肉串(2串)($50)--全餐最好味!!! 火喉掌握得恰到好处, 肉质柔软, 香料提升了牛肉的味道, 5个人Share 2串实在太少了, 到喉唔到肺...
烤乳羊(例)配薯菜($230)
--有点失望, 羊肉犹如干柴, 没有半点羊味, 只吃到微微的膻味...
酱爆驼峰肉露荀($115)--好辣呀!!! 露荀好嫩, 驼峰肉口感似猪肉... 除咗好辣, 仲几咸, 食唔真驼峰系咩味...
马肠抓饭($88)
--抓饭甜甜的, 味道OK... 马肠又系咸的, 口感似润肠, 与抓饭一同吃味道又OK㖞...
原先我地想试孜然粉小黄牛, 可惜今晚暂定供应...
接近8点左右开始肚皮舞表演... 表演者头上点著好多爉烛, 绕道跳咗一Round, 之后除下头套再跳一Round, 第二Round比较劲歌热舞d.... 之后又再出现, 播送生日音乐, 为一枱客人再跳一会... 原本以为跳完o架啦, 点知佢捉咗个女客人一齐跳, 哗, 个女客人都跳得好投入㖞... 之后捉完一个又一个, 越o黎越近我地张枱喇, 好惊呀!!! 我地全部人即时耷低头扮晒狂食o野啰, 场面好搅笑, 哗咔咔咔...
肚皮舞表演完毕, 当我地差不多食完, 店员通知我地未Meet到Min Charge, 仲差2百几蚊... 吓?!! 仲未Meet到?!! 我地仲谂住今餐一人要$350㖞...
原先打算转阵再擦甜品, 咁而家唯有系度食埋啦...
拔丝士多啤梨($85)--好有惊喜!!! 我系第一次吃拔丝士多啤梨, 以前只吃过拔丝香蕉及拔丝苹果, 男店员将士多啤梨逐一放入冰水内, 将所有士多啤梨拔丝后, 本以为已经完成, 谁知男店员继续将余下的糖浆继续拔丝, 慢慢拉出一丝一丝的糖丝, 好有Heart!!! 第一次见到咁认真嘅拔丝!!! 论味道, 士多啤梨比香蕉及苹果有过之而无不及, 因为士多啤梨的酸中和了糖浆的甜, 酸酸甜甜, 连唔多食甜品的朋友都食到唔停得口...
桃仁蛋卷($55)--满载合桃碎的蛋卷很松化, 充满合桃的香味, 而且不太甜, 样子也讨人欢喜, 值得一试...
八达木红枣糕配石榴雪糕($65)
--石榴雪糕系今晚最具话题嘅菜式, 不但好味, 更勾起大家的童年回忆!!! 只要吃一小口, 就好似放咗熟透而甜美的新鲜番石榴入口, 整个水腔充满果香, 我比10个赞!!! 但八达木红枣糕只吃到很强劲的杏仁味, 很奇怪, 不是我杯茶...
红豆绿茶桂花糕($50)--颜色漂亮, 味道很夹, 唯红豆味不足...
杏甫蜜饯双色糕($55)
--天呀!!! 打泻了超浓缩糖吗?!! 丧甜味来自顶层的红枣糕, 甜得太可怕, 比日本羊羹更甜得多... 号称甜品怪的我, 认输了!!! 吃1件已太难...
整体评价系气氛好好, 味道一般...
服务亦很好, 吃完头盘会换上比较大只的主菜碟, 很细心...
.
张贴
