一起食堂 (域多利皇后街)

营业中

休息中

琴日同朋友去完长洲，于黄昏乘船出中环，我哋拣咗一起食堂食晚餐，想食吓啲台湾嘢食，好似去咗台湾打卡咁。红烧三宝牛肉面系佢嘅主打食品，三宝有牛腩、牛腱、牛丸，个牛腩一层肉，一层肥肥地嘅肉，好好味，好有肉味，炆得好琳。个牛腱好林好滑，烟烟韧韧，好多骨胶原，牛丸都好有牛肉味。啲红萝卜同白萝卜炆得好甜，好香。啲面系台湾乌龙面，佢好似乌冬咁，但又好烟靭好滑，啲汤带微辣，又甜甜地，系啲牛肉同啲萝卜带出嚟嘅，味道好浓，超好饮，个texture好有质感，饮完又唔会口渴，真材实料。吉列炸蚝有四只，份量好充足，啲蚝都好大只，咬落好Juicy，啲皮又脆，又有啲沙律酱伴碟，系好好味嘅小食。炸花枝丸好弹口，佢嘅花枝丸好多鱿鱼肉系入面，好有质感，好惹味，值得推介。我哋又叫咗仙草冬瓜茶同爱玉凤梨绿茶，个仙草冬瓜茶，味道比较清甜，真系小确幸，好清新嘅感觉。爱玉凤梨绿茶味道比较浓，但系始终系绿茶，仍然俾人好惹味清甜嘅感觉，为我今个礼拜日带来喜悦嘅感觉，呢场真系食得好开心，佢嘅价钱唔贵，位置又好，交通方便，值得一去再去。