一起食堂 (威利廣場)

营业中

休息中

行完海滨揾嘢食，呢到都几就脚。环境几宽敞，几多卡位。酥炸地瓜条阔身长条形嘅蕃薯条，外皮酥脆，内里松软，蕃薯甘甜，正到食唔停。烤台湾香肠就咁食外皮香脆，充满肉汁，咸香味足。地道重口味之选当然要夹埋蒜片一齐食，生蒜带有微微辛口味夹埋猪肉味去油腻感，更加开胃。肉燥烫青菜满满肉燥同炸蒜，肉燥充满好多肥而不腻嘅五花，Q弹口感，食落松软味道丰富，令到个菜唔单调。吉列炸蚝外层香脆，内里嘅蚝依然饱满有汁。黑糖猪软骨饭猪软骨大大嚿，软骨位非常甘香松化，黑糖嘅甜味浓郁。嫩滑温泉蛋捞饭，流心蛋黄带出嘅蛋香令个饭味道丰富。冷泡白桃乌龙茶白桃味香，茶味足，阵阵清香。爱玉荔枝绿茶荔枝味同甜度适中，配上爱玉有咬口，非常清新。