一起‧金饍 (已結業)

挂念韩国，无假期，无钱飞去一转，唯有今日同朋友一起．金饍。我同朋友大约下午两点到达餐厅，可能因为过咗lunch hour，所以我哋唔洗等位就可以直接入去坐低。餐厅环境充满韩国气氛。至于食物，亦充满韩式味道。泡菜饺子作为前菜黎讲，呢款泡菜饺子好开胃，因为饺子被炸过更脆口，内里馅料都系泡菜，而且外面淋上酱汁，酸中带点微辣。铁锅芝士鸡翼 鸡翼炸得金黄香脆， 内里肉质嫩滑，size算大只，而且一共有六只。食嘅时候鸡翼配埋芝士，令味道更有层次，而且店员告诉我，呢款芝士由两种不同嘅芝士混合而成，令芝士味更为特别。我个人认为芝士有拉丝嘅效果，好吸引，不过芝士味不算太浓。鸡肉杂菜炒乌冬鸡肉配合红萝卜丝、椰菜丝同乌冬一齐炒，上菜时已经闻到香喷喷嘅味道。乌冬亦够弹牙，而且每条乌冬都充满香浓既酱汁味，好食！另外，仲有半只烚蛋作为伴菜添！烤鸡肉饭鸡肉嘅份量唔少，带有一点点甜味，味道啱啱好，不过可能鸡肉炒嘅时间耐左少少，所以唔够嫩滑。至于鸡肉配埋嘅白饭，我亦好喜欢，因为米饭比较干身爽口，啱晒唔钟意食「软饭」嘅我，哈哈！