影片
更多
2021-12-19
1471 浏览
好掂㖞!话说”谂”咗呢餐西贡海鲜一段时间. 睇完各餐厅嘅食评根本落唔到手. 饭局前一日师姐话佢帮衬开胜记. 仲可以帮我哋安排菜单. 安落晒.睇完张菜单, 真系挑战我嘅价值观. 之后再讲...餐厅坐得舒服, 烹调技术一流. 海鲜高质. 服务周到. 价钱OK㖞 (!)循例参观下金鱼缸. 扮拣下海鲜.第一味: 炸豆腐. 外脆内软. 椒盐味啱啱好. 必点.豉椒炒蛏子. 一流嘅豉椒味烹调. 唔会好湿或者杰挞挞. 蛏子够大只. 肉质超爽口.椒盐鲍鱼. 椒盐? 果然大开眼界. 椒盐俾到味, 但又唔会抢咗鲍鱼嘅鲜味. 肉质有嚼口但唔会靭. 超赞!豉油王煎虾. 中虾. 都够大只. 佢支豉油好掂. 好香好入味. 除咗虾壳, 虾肉都沾到豉油味. 椒盐濑尿虾. 我自己应该唔会点. 一系好贵, 一系将货就价. 讲番食物, 椒盐够晒味, 濑尿虾亦够份量, 肉质好滑.芝士龙虾配煎米粉. 好多餐厅都会俾芝士抢哂龙虾味. 呢度又冇㖞. 芝士汁几簿. 啱啱好. 龙虾够肉. 爽口. 神级煎米粉底. 好夹芝士汁. 香脆.咕噜肉. 出面太多餐厅做咕噜肉都好出色. 呢味菜相比海鲜逊色. 当然都好好食.胜记至尊炒饭. 好味. 干身
话说”谂”咗呢餐西贡海鲜一段时间. 睇完各餐厅嘅食评根本落唔到手. 饭局前一日师姐话佢帮衬开胜记. 仲可以帮我哋安排菜单. 安落晒.
睇完张菜单, 真系挑战我嘅价值观. 之后再讲...
餐厅坐得舒服, 烹调技术一流. 海鲜高质. 服务周到. 价钱OK㖞 (!)
循例参观下金鱼缸. 扮拣下海鲜.
第一味: 炸豆腐. 外脆内软. 椒盐味啱啱好. 必点.
豉椒炒蛏子. 一流嘅豉椒味烹调. 唔会好湿或者杰挞挞. 蛏子够大只. 肉质超爽口.
椒盐鲍鱼. 椒盐? 果然大开眼界. 椒盐俾到味, 但又唔会抢咗鲍鱼嘅鲜味. 肉质有嚼口但唔会靭. 超赞!
豉油王煎虾. 中虾. 都够大只. 佢支豉油好掂. 好香好入味. 除咗虾壳, 虾肉都沾到豉油味.
椒盐濑尿虾. 我自己应该唔会点. 一系好贵, 一系将货就价. 讲番食物, 椒盐够晒味, 濑尿虾亦够份量, 肉质好滑.
芝士龙虾配煎米粉. 好多餐厅都会俾芝士抢哂龙虾味. 呢度又冇㖞. 芝士汁几簿. 啱啱好. 龙虾够肉. 爽口. 神级煎米粉底. 好夹芝士汁. 香脆.
咕噜肉. 出面太多餐厅做咕噜肉都好出色. 呢味菜相比海鲜逊色. 当然都好好食.
胜记至尊炒饭. 好味. 干身.
上汤浸菜芯. 我仲以为求其一条菜. 菜芯好嫩. 而且入晒上汤味.
甜品特别. 有桂花糕. 柚子糕. 益力多糕.
一路食一路赞. 一路食一路担心以后食唔番. 再睇埋张单. 当然唔系话好平, 但系Ok㖞. 一定会再嚟. 希望到时再食番呢个超水准.
张贴
