Youni (黃埔天地享膳坊) (已結業)

有咩开心得过可以一路keep fit减肥但又一路食好西？呢间舖应该系为咗佢啲健身memeber而设嘅，等佢地做完gym之后可以顺便食个靓饭补充翻啲营养。餐单上面列晒食物嘅卡路里，可以等你自己衡量想食边样野，唔惊会爆卡路里。我嗌咗慢煮叉烧+荞麦面+木耳(跟餐送咗碗汤)，用木制餐具装住令到成件事好健康好grand，食落都开心啲。个人几推荐大家试下个叉烧，慢煮嘅方法令到佢一啲都唔柴好好食，而个木耳都好好食，酸酸甜甜几开胃，但个荞麦面就唔太推荐，我个份可能煮得太耐个面太淋。顺带一提，佢个半开放式厨房超靓，系外面望到就已经吸引到我入去食。