奇華餅家 (已搬遷) 新店位置

一到过年，就收到啲朋友、亲友所送嘅贺年糕点，年年如是，无一例外，故先多谢朋友及亲友嘅厚爱。今年所收到嘅糕点，可归纳为嚟自4家餐厅或饼点，分4篇嚟评论吓，依一篇分享嘅喺奇华饼家嘅两款糕点。两款糕点分别喺桂花马蹄糕同日本元贝莲藕糕，同以真空包装。以往都品尝过奇华嘅出品，但依两款糕似喺新品，一甜一咸，颇有新鲜感，尤其后者，莲藕更喺老婆至爱食材之一。桂花马蹄糕就算去酒楼饮茶食点心，都未必遇到有马蹄糕，近年都好似少咗依一款糕点，其实马蹄糕几好食，清甜爽口。切开睇睇，糕身晶莹通透，见到内藏唔少马蹄粒及糖桂花。马蹄糕煎香后，桂花香已轻轻渗出，糕身柔软而有点黏绵，咬正马蹄粒就更清甜爽口。日本元贝莲藕糕外观有啲似芋头糕嘅莲藕糕都算软冷门糕点，自问就未食过，但敢写到明以日本元贝挂帅，自信嘅表现，糕内仲加埋腊肠、腊肉、冬菇、虾米……等材料，睇落材料丰富。将莲藕糕煎香，外脆内软，糕身莲藕味唔错，又混有粒粒莲藕粒，半腍半爽咁，再者，加入咁多其他材料，口感丰富，好食无欺场。新糕品自然带嚟新鲜感，难得新品质素又唔错，好食又有惊喜。