麻辣風雲 (荃碧大廈) (已結業)

今日要去食🔸麻辣风云🔸, 事缘 Dee 哥拍摄食辣嘢时有介绍过, 而且餐厅系ToNick 嘅恒仔💛 有份合资, 所以就bookmarked 等机会去试吓。餐厅装修都比较古色古香, 座位与座位有足够嘅距离, 感觉都几开扬舒服。🥢 蒜泥白肉满满嘅蒜泥同芝麻舖喺白肉面层, 好香, 底层有青瓜丝垫住, 白肉肥瘦分明, 切得好薄, 夹晒所有配料一齐食, 好好食。🥢 陈醋手拍青瓜陈醋好酸呀, 可以用嚟解辣。🥢 炸馒头望落去无乜特别, 不过食落真系好惊喜, 馒头外皮炸得好香脆, 但系里面好软熟, 蘸点炼奶一齐食, 好味。🥢 水煮牛肉(小辣)望落去红卜卜, 牛肉薄切, 肉质软腍。配料有辣椒, 莲藕片, 菇, 芽菜, 豆卜, 木耳, 最重要系有大量薯粉, 薯粉晶莹剔透好烟靭, 其他配料吸晒水煮辣味, 好惹味。🥢 水煮鱼(中辣)辣一级真系唔同Level, 会一边食一边流鼻水。一梳梳嘅鱼肉, 肉质好嫩滑, 连皮一齐食都唔会觉得肥腻, 好适合𩠌饭食。餐厅整体食物都好好食, 职员都好有礼貌, 系值得再去食嘅一间川菜餐厅。