影片
更多
2017-08-07
50 浏览
今晚来到观塘骆驼漆同朋友开餐食串烧，呢度还有飞镖室，可以同朋友玩返两铺…唔错唔错！一坐低，见餐牌有生蚝，蚝迷既我即叫两只法国黄金生蚝开胃先啦~即开生蚝肥美鲜甜带有海水味，滑溜爽口，蚝味系口腔徘徊…正呀！下次要试埋海鲜盘…来到热辣辣串烧啦…食完生蚝，叫多两只即开烧蚝，肥美蚝肉烧完好嫩滑，配上蒜蓉突出甜味，撒上小小葱，辣椒，更惹味。十分好食。烧白鳝一定要食，外皮烧到脆一脆，鱼肉却嫩滑弹口,一口咬落去，鱼油系口融开，劲香，但烧多春鱼就普通，又咸又干。可唔试…再来鸡软骨同鸡肾，用海盐同黑胡椒调味，劲爽脆有口咬，可以点埋烧汁，唔错~食串烧，一定唔少得肉啦…我地分别叫左黑豚肉同羊架。个豚肉松化嫩口，表面小小脆，油脂同肉汁融合，好Juicy。反而个羊架普通，可能烧太耐，略显干身。另一必食就系墨汁墨鱼肠，皮脆内弹，唔知系埋墨汁关系，劲鲜甜,还有D墨鱼粒,好有咬口，忍唔住食完一串，又叫多一串。hehe…好好食。再食个墨鱼丸，颇弹牙，都OK鲜甜。最后，牛乳蟹肉薯饼，炸到脆卜卜，蟹蓉配上浓浓奶香芝士流心，劲好食…可以唔需要茄汁都够晒味。仲有烧茄子，软绵绵的茄肉配上蒜蓉，甜甜地，个芦笋就好爽身。食串烧，一定要
一坐低，见餐牌有生蚝，蚝迷既我即叫两只法国黄金生蚝开胃先啦~即开生蚝肥美鲜甜带有海水味，滑溜爽口，蚝味系口腔徘徊…正呀！下次要试埋海鲜盘…
来到热辣辣串烧啦…食完生蚝，叫多两只即开烧蚝，肥美蚝肉烧完好嫩滑，配上蒜蓉突出甜味，撒上小小葱，辣椒，更惹味。十分好食。
烧白鳝一定要食，外皮烧到脆一脆，鱼肉却嫩滑弹口,一口咬落去，鱼油系口融开，劲香，但烧多春鱼就普通，又咸又干。可唔试…
再来鸡软骨同鸡肾，用海盐同黑胡椒调味，劲爽脆有口咬，可以点埋烧汁，唔错~
食串烧，一定唔少得肉啦…我地分别叫左黑豚肉同羊架。个豚肉松化嫩口，表面小小脆，油脂同肉汁融合，好Juicy。反而个羊架普通，可能烧太耐，略显干身。
另一必食就系墨汁墨鱼肠，皮脆内弹，唔知系埋墨汁关系，劲鲜甜,还有D墨鱼粒,好有咬口，忍唔住食完一串，又叫多一串。hehe…好好食。再食个墨鱼丸，颇弹牙，都OK鲜甜。
最后，牛乳蟹肉薯饼，炸到脆卜卜，蟹蓉配上浓浓奶香芝士流心，劲好食…可以唔需要茄汁都够晒味。仲有烧茄子，软绵绵的茄肉配上蒜蓉，甜甜地，个芦笋就好爽身。
食串烧，一定要饮啤酒，不过呢度无啤酒，要去隔离铺买。如果下次可以有得叫埋啤酒就好啦~一口串烧一啖啤酒，夏天一大享受呀！
张贴
