翠華冰廳 (已結業)

搭完西铁荃湾西落车，外面落住雨未停，因为星期日关系，好多食肆都要排队。穿过湾景广场天桥再到荃湾广场，路过翠华，唯独佢唔需要排队，仲有我最喜欢嘅卡位，加上比佢放喺门口个餐牌吸引咗… 🤩厚切猪扒🤩黑椒汁… 都系我喜爱嘅元素，可以优先考虑🤓坐低咗睇完一轮餐牌后，发现佢系无炒粉面饭嘅，睇真啲原来佢系「冰厅」😵‍💫好啦，就决定要晚餐啦，落单吧！点知经理话「厚切猪扒卖晒，会改为两块薄切！」咁都得？😧😧 我真系O咗嘴！唉，早知去商场对面嘅「红茶」，不过我见外面落住雨又唔想走嚟走去，咁就妥协咗。朋友仔系公仔面嘅铁粉，叫咗个炒公仔面。落完单过咗约半分钟，经理又走过嚟话「黑椒汁卖晒，会转烧汁」。。。𠮶刻我呆了🐦🐦🐦 咩事呀大佬？个汁好难煮咩？定系无黑椒？我心里有好多《👴🏿❓》如果唔系食食吓见个有人嚟见工，我真系以为佢系咪想卖晒啲货就折。感想：#做人唔应该咁易妥协 #又浪费咗一餐quota🤦‍♀️