影片
更多
2023-12-19
9 浏览
冬天嚟到最钟意就系去烧烤同埋打边炉，食完个身就暖笠笠🥰最近揾到间好特别嘅泰国菜，主打一锅二食，仲要系火锅同烧烤同时进行，可以一次过满足晒两个愿望！一坐低店员就奉上泰国虾片，虾香味浓郁，而且炸到脆卜卜，配埋自家制嘅蛋黄酱别有一番滋味。而且虾片系任食，平时就好少食，呢餐可以尽情食返个够本！跟住店员就嚟加我哋嗌咗嘅两款汤底，分别系牛骨汤同埋椰汁鸡汤。喺渌食物之前试咗原汁原味嘅汤味道，牛骨汤比较清甜有啲似有牛香味嘅寿喜烧，椰汁鸡汤就超级香浓，直头可以𢳂一碗咁当汤饮。最重要嘅肉食部份有齐鸡肉，牛肉，同埋猪膶，海鲜方面就有鱿鱼。肉类全部都已经腌好，同平时食开嘅日式或者韩式烧肉味道好唔同，而系好特别嘅泰式味道，好值得一试。店员教落可以先用火锅灼一灼沾啲味道，然后再煎一前层表面，道理有啲似慢煮完再攞去煎香佢，所以食落肉质嫩滑，而外层充满油香。食泰菜当然唔少得最出名嘅木瓜沙律，呢款木瓜沙律偏辣，而且越食越辣，但系味道调得好好，怕辣嘅话可以用火锅汤底洗一洗先至食，咁样就会多咗两道椰子鸡汤或者牛骨汤味嘅沙律啦😆饮品方面嘅泰式奶茶同泰式奶绿都好地道，茶底超级香，无论系红茶定系绿茶，香浓嘅茶味配埋鲜奶，饮落香浓
一坐低店员就奉上泰国虾片，虾香味浓郁，而且炸到脆卜卜，配埋自家制嘅蛋黄酱别有一番滋味。而且虾片系任食，平时就好少食，呢餐可以尽情食返个够本！
跟住店员就嚟加我哋嗌咗嘅两款汤底，分别系牛骨汤同埋椰汁鸡汤。喺渌食物之前试咗原汁原味嘅汤味道，牛骨汤比较清甜有啲似有牛香味嘅寿喜烧，椰汁鸡汤就超级香浓，直头可以𢳂一碗咁当汤饮。
最重要嘅肉食部份有齐鸡肉，牛肉，同埋猪膶，海鲜方面就有鱿鱼。肉类全部都已经腌好，同平时食开嘅日式或者韩式烧肉味道好唔同，而系好特别嘅泰式味道，好值得一试。店员教落可以先用火锅灼一灼沾啲味道，然后再煎一前层表面，道理有啲似慢煮完再攞去煎香佢，所以食落肉质嫩滑，而外层充满油香。
食泰菜当然唔少得最出名嘅木瓜沙律，呢款木瓜沙律偏辣，而且越食越辣，但系味道调得好好，怕辣嘅话可以用火锅汤底洗一洗先至食，咁样就会多咗两道椰子鸡汤或者牛骨汤味嘅沙律啦😆
饮品方面嘅泰式奶茶同泰式奶绿都好地道，茶底超级香，无论系红茶定系绿茶，香浓嘅茶味配埋鲜奶，饮落香浓而且顺滑。
张贴
