米走雞 (太子藍馬之城)

营业中

休息中

上个星期以前系澳洲读书识嘅朋友仔返咗嚟香港，约咗我哋几个好耐冇见嘅朋友仔食饭，我哋一行四人，咁就梗系睇下有啲咩好嘢食俾呢个好耐无返过香港嘅番书仔食下啦！大家都知我不嬲都钟意打边炉，又钟意食鸡煲, 老朋友介绍左我来依家打边炉嘅好地方。一坐低，由于我迟到嘅关系，朋友仔已经叫好嘢食等我啦一黎梗系食个鸡煲先啦，个鸡煲啲汁都几浓，好惹味吓。间餐厅都放左几多辣椒落去，所以食落都有啲麻辣嘅感觉，如果唔系好食得辣嘅朋友，可能要叫间餐厅落少两只辣椒，哈哈！除咗辣之外，个鸡煲其实都有啲酒香，我估可能都落咗小小绍兴酒吊一吊个味！唔错！食鸡煲个灵魂当然系只鸡度啦，除咗鸡有鸡味之外，呢只鸡都算多肉，又唔多碎骨，啱晒我哋呢啲狼吞虎咽嘅男仔！食完鸡煲辣辣地，即刻叫番罐咸柠七爽丫丫先！跟住就梗系继续打边炉啦！朋友仔order左我都我嘅至爱，食肉兽是也，包括新鲜嘅牛颈脊，猪颈肉等等。啲牛颈脊切得好薄，啲纹都好靓，好嫩囗！啲猪颈肉就好厚切，好滑，仲有少少麻油嘅味道！跟住不得不同大家介绍几款特色嘅火锅料。首先系个哈哈虾中宝，呢个虾丸，真系非一般嘅虾丸，因为佢除咗有蟹子系面之外，佢入面系有一只原虾！所以比一般虾丸弹牙！跟住另