LM Cafe (已結業)

昨晚，放左工约埋几个朋友仔来到呢间Cafe，因为呢度环境唔错，好舒服，同埋食过一次D西餐OK。真系好肚饿，叫左个西式西冷拼香草肠，淋上洋葱汁，西冷都几大块，唔系顶级，但好有牛味，都JUICY，五成熟够OK 唔韧。香草肠食唔出香草咁，但都好好食。呢个配罗宋汤，够Match，个汤好多蔬菜味，蕃茄味亦浓，好多菜系入面，真材实料，成功!黑松露薯原来唔系洒上黑松露啊，D黑松露系沙律酱度，食落好过瘾，薯条够大条，咁先有口感，薯味不俗，不过点沙津酱会几"楼"下。另外我地个个爱红豆冰，入面有雪糕的，但唔系好甜，红豆够多咁，好正。再来海龙套餐，有鱿鱼、吉列虾、炸鱼咁，加埋D香辣咖喱汁，呢个好好食，个咖喱汁够晒香，成功！还有黑松露炒蛋多士，个蛋好嫩滑，又有黑松露香味，个包唔系太厚，多士香脆，好味道。黑松露蘑菇意粉，个汁几好味道，D意粉煮得够爽口，但吸到汁，唔肥腻好清新。甜品系朱古力窝夫，唔系好甜，朱古力味不算大浓，但配埋朱古力雪糕食更为好吃，反而太浓朱古力味唔好食。呢餐真系好饱下，味道ok，我地hea 了3小时啊。