聚·點

营业中

休息中

平时我都无几可会入黎天水围，琴日因为要探亲戚先摸住GPS入黎 黎到见到附近有间天一商城，有d肚饿但又因为早左过黎未到同亲戚食饭既时间，所以谂住睇吓间商场有咩小食可以顶住先。入到商场见到地下有1-2间茶铺，但都净系得野饮无野食，谂住行埋顶层3楼望吓，一上到3楼我就已经闻到一股淡淡既鸡蛋仔味，我沿住气味黎到一间叫做「聚点」既台式奶茶舖，见到有得卖鸡蛋仔同埋各种既野饮，我见鸡蛋仔阵味咁香，于是就叫左杯芝芝新界牛同埋鸡蛋仔，因为野饮搭鸡蛋仔有优惠。等左2-3分钟就有得攞，都算快既，舖头员工既服务都无错，起码会主动介绍产品。好啦，入正题，首先个鸡蛋仔好脆好香鸡蛋味，甜度亦都啱啱好，绝对唔输俾旺角个d旺区既小食店，甚至我觉得依间仲好食d舔。其次就系杯芝芝新界牛，可能因为我钟意饮奶盖既关系，我真系好钟意杯野饮，d奶盖真系好香，无得输，虽然饮依d会好济，但真系好好饮。之后我问亲戚知唔知依间野，佢话有听闻过，好似系新开既。我下次入黎都会再黎返依间食，依间值得再帮衬。