聚·點

营业中

休息中

見天一開左間台式飲品店🧋就試下先講飲品飲過芝芝新界牛🐮 珍珠奶茶 珍珠奶綠仲有鐵觀音⭐️飲品不過不失 冇太大驚喜😗味道一般 略欠茶香 奶茶唔夠滑珍珠可以再煙韌啲跟住就到招牌雞蛋仔喇😍⭐️雞蛋仔真係好好味 香脆可口離遠都聞到陣香味🤤即整即食 但要等10-15分鐘🥱雞蛋仔有三款口味原味/朱古力味🍫/朱古力麥提莎味⚡️原味最香同脆卜卜😀其餘兩款就冇咁脆 純粹試朱古力味/麥提莎🤷🏻‍♀️整體嚟講ok 尤其是雞蛋仔+飲品套餐好抵買野飲可用優惠價換購雞蛋仔平十蚊左右可以一試💁🏻‍♀️最後不得不提嘅就係服務態度 好好收銀嗰位姐姐好nice ⭐️⭐️⭐️⭐️⭐️

Every time I pass by this shop there are always many people waiting for their order. This had put me off because I am the type of person who absolutely hates queuing for anything, but there was just something about this place that made me feel like I should give it a try at least once or I would regret it. On the night I finally tried the egg waffles, there were a lot of people waiting (as usual). I had to wait around 15-20 minutes - luckily I wasn’t in a hurry. After trying the egg waffles myse

低質芝士奶蓋茶！飲左那麼多次奶蓋茶，第一次飲到含有茶包的芝士奶蓋茶！(初頭嚇死我，見到杯野入面有黑色野，以為係怪野🥴)而且茶味超淡，覺得係用好普通的鐵觀音茶包沖d茶出來，然之後唔記得將茶包拎出来雞蛋仔連基本水平都無，認真麻麻。兩個字，中伏！

“威威芝士奶茶”($30)一場嚟到天水圍當然要一次過試多幾間🤣天一3樓仲有呢間新開嘅飲品店😆除咗有嘢飲仲有雞蛋仔賣叫咗呢杯威威芝士奶茶其實即係芝士奶茶加餅乾碎🍪奶茶飲落茶味幾香芝士奶蓋都算濃厚☺️加咗餅碎有啲咬口咁🤣唔駛好似食珍珠咁飽🤣

最近因為放假冇野做悶悶地諗住同朋友出街行吓散吓心。原本計劃係去濕地公園，但因為肺炎關係冇開到所以去唔到。跟住我哋見肚餓，想搵啲野食醫下肚，我哋就去左附近嘅天一商場，一去到門口就見到有人攞住有雞蛋仔係度食，我見好似好好食咁就上左去。行到一間叫聚·點嘅鋪頭度就比好香嘅雞蛋仔味所吸引到，於是我同朋友就決定買雞蛋仔食，間鋪頭啲人好nice好貼心咁香我哋介紹有咩好飲有咩好食，重點係原來買任何嘢飲之後雞蛋仔就可以減$5，真係好抵食！之後就我叫咗杯班馬同朱古力雞蛋仔食，杯嘢飲真係好飲唔會話好甜，而個雞蛋仔真係不得了好食到一個點，有原味同朱古力味，難怪有咁多人買。真心平靚正值得推介👍

平時我都無幾可會入黎天水圍，琴日因為要探親戚先摸住GPS入黎 黎到見到附近有間天一商城，有d肚餓但又因為早左過黎未到同親戚食飯既時間，所以諗住睇吓間商場有咩小食可以頂住先。入到商場見到地下有1-2間茶鋪，但都淨係得野飲無野食，諗住行埋頂層3樓望吓，一上到3樓我就已經聞到一股淡淡既雞蛋仔味，我沿住氣味黎到一間叫做「聚點」既台式奶茶舖，見到有得賣雞蛋仔同埋各種既野飲，我見雞蛋仔陣味咁香，於是就叫左杯芝芝新界牛同埋雞蛋仔，因為野飲搭雞蛋仔有優惠。等左2-3分鐘就有得攞，都算快既，舖頭員工既服務都無錯，起碼會主動介紹產品。好啦，入正題，首先個雞蛋仔好脆好香雞蛋味，甜度亦都啱啱好，絕對唔輸俾旺角個d旺區既小食店，甚至我覺得依間仲好食d舔。其次就係杯芝芝新界牛，可能因為我鍾意飲奶蓋既關係，我真係好鍾意杯野飲，d奶蓋真係好香，無得輸，雖然飲依d會好濟，但真係好好飲。之後我問親戚知唔知依間野，佢話有聽聞過，好似係新開既。我下次入黎都會再黎返依間食，依間值得再幫襯。

呢間野完全滿足到我個為食又大胃口既男朋友💓話說今日我哋今日係附近探朋友👫🏻經過呢個商場，見到好多嘢食😋😋心血來潮想飲珍珠奶茶🧋行咗幾間都覺得唔係好吸引🤦🏻‍♀️店員仲要好似唔優做咁本來都想放棄😥行到上3樓，比一陣嘅雞蛋仔味吸引到搵到間叫聚點既台式飲品鋪當我哋喺度睇緊叫咩嘅時候🌝店員好主動咁樣介紹我地就試一試叫左一杯蜂蜜蘆薈茶同一杯芝芝新界牛🐮個芝士厚到呢...完全飲得出係新鮮芝士而唔係連鎖店既奶蓋粉細問下店主原來都每日新鮮打芝士奶蓋🧀難怪咁好飲店主再推介我地試佢地既燒賣同雞蛋仔我地加碼再叫多份朱古力雞蛋仔同燒賣燒賣豉油好好味😋😋😋係店主親自煮既朱古力雞蛋仔即叫即做又熱又脆唔係要去食飯既話一人一底都仲得👍🏻👍🏻👍🏻👍🏻小黃人極力推介🤣🤣🤣（你懂的☺️☺️☺️）

周末原本約了友人於商場閒逛，但友人遲遲未到，只好往商場乘涼。未幾，在頂層碰巧遇著這家新開張的台灣飲品店。本著嚐鮮的心態點了珍奶後發現這家店竟有不少兒時小食在售，便順道叫了一客雞蛋仔。適逢首日開張，現場實在有不少捧場客。然而店員的效率奇高，相候不過5-10分鐘飲品食物盡皆到齊。年輕店員雖在繁忙當中，態度卻依舊溫文有禮，實屬難得。珍奶甜度適中、小食味道得宜，店員待客有道。值得一讚！若然假日出行於附近走動，這裡的確是一個很好的聚點。加上飲品清單五花百門，能嘗遍不同口味，總有一款適合客人的口味，實在是一個好去處呢！

今日陪女朋友去睇醫生 路過天一商場 女朋友嗌肚餓想食啲小食 明明岩岩先食左早餐 入到去個商場 都見到好多餐廳野食 但全部都正餐 我地又唔想食太多 行行下 上到三樓就聞到好香嘅雞蛋仔味 🐣嘩 我女朋友即刻拉住我去搵 但我明明記得呢個商場無雞蛋仔賣 行行吓發現原來有間新開嘅台式奶茶小食店 個招牌都幾靚叫 聚•點 即刻買份雞蛋仔同芝芝新界牛🐮試下 買嘢飲雞蛋仔仲會平啲 呢間啲雞蛋仔即叫即整 攞到上手熱辣辣脆卜卜 勁好食 雖然要等一兩分鐘但係值得嘅 杯芝士奶蓋勁好味 問落個店員先知原來個奶蓋係新鮮人手整 唔怪得知咁好味 呢間一定會返食 價錢同質素都一百分 💯臨走時望左舖頭入邊都好乾淨整齊 有加分 之後經過會再去試吓其他野飲 呢家啲雞蛋仔同嘢飲都好值得推介👍🏻