屋喔 (已結業)

上星期同两个同事放工之后想揾好野食慰劳下自己，见到屋喔个装修几简洁同特别就入左去试下。可能系平日既晚上，加上我地黎得早，所以都仲有唔少位。之后我地叫待应推荐几道出名D既菜，点左个沙律、焦烧凤梨糖醋里肌、蒜香排骨肉燥饭同埋个炒牛肉。个沙律正正常常，D菜都几新鲜，食落几开胃。蒜香排骨肉燥饭都几好食，排骨炸得几香同脆，又有D酸菜配搭下，感觉唔会太油腻，份量都好足。焦烧凤梨糖醋里肌，同普通茶记既生炒骨分别唔大，酸酸甜甜，几岩送饭。待应推荐既盐酥鸡，食落的确有D似台湾夜市既味道，炸得都几酥脆，不过我个人觉得咸左少少。炒牛肉，我地觉得咁多样茶入面个人认为最好食，牛肉炒得岩岩好，唔会太老，食落D汁都好正。饮品我点左抹茶红豆沙冰，几好味，不过就无特别惊喜。