Candies Foodies (已結業)

赶头赶命赶收工就系为左同姊妹见下面, 今日姊妹们约左去尖沙咀一间楼上cafe, 我到达餐厅时约7点场内位置都已有7成满, 平日夜晚有呢个场面, 呢间餐厅应该口碑不俗；我地3个人叫左一个二人set dinner, 另加左个汤同小食, 我地3个都系大胃女, 其实碟头计我地叫得唔算好多, 但佢地既份量真系好足👏🏻我地个二人餐有沙律、汤(是日餐汤蕃茄汤)、原板海胆龙虾忌廉汁烩饭, 仲有一块安格斯肉眼扒, 再加两杯野饮, 另加一客小食炸鱿鱼圈同埋加多一碗黑松露野菌浓汤；第一要赞系海胆饭, 我地真系无谂过系咁大板, 仲要好新鲜同甜, 加埋落个忌廉饭一齐食, 两样野出奇地夹, creamy既海胆在忌廉饭上合二为一；块扒做得刚刚好, 既没有太多血水但保持到肉嫩, 扒旁既香草芝士薯蓉都要一提, 个薯蓉面应该被火烧一烧, 所以个面有少少脆, 加埋香草既香味, 会另人停唔到口；个二人餐只系3百几, 有海胆又有牛扒, 真系好抵👍🏻；仲有, 佢地真系有个candy bar俾客人夹软糖, 但我地太饱已经夹唔到啦, 我地下次一定夹番, ha ha!