柳和亭

营业中

休息中

今日误打误撞去左呢间餐厅食中午，我平时都会带住妈咪周围尝试唔同嘅美食，咁啱今日喺大角咀附近，然后发现呢间隐世小店，打开餐牌果下，斋望到嘢饮嘢食个名，觉得佢古灵精怪，有啲嘢饮叫咩恋爱脑，一见钟情。但由最初嘅觉得奇怪变成佩服，我就点咗一个慢煮36小时猪软骨饭同一见钟情既野饮，实不相瞒我系一个几钟意食猪软骨嘅人，但好多时系街食到都系偏韧同冇乜味一味净系得个咸字，但佢呢度嘅猪软骨真系畀到惊喜我，口感软绵同埋好入味，杯嘢饮就有少少酒精嘅成分，我系一个对酒精麻麻地嘅人，但系呢杯嘢饮畀到一个relax嘅感觉我，唔算太甜，但有少少蜜桃嘅味道，在加少少酒精嘅余韵。我系一个好少写食评嘅人，但今日呢个午餐真系令我感到久违嘅relax，所以我都唔怕麻烦咁写咗呢个食评。后来得知呢度嘅厨师就系老板娘，嘢食嘢饮都系由佢设计，然后一手一脚实践出嚟，真系令我五体投地。价钱公道，午市仲有午餐set优惠，一定会再嚟食。