邊敘邊醉

营业中

休息中

之前有同朋友嚟食过，佢嘅服务同埋食物质素都十分之有水准，香港真系好少揾到啲咁有服务嘅舖头，而且你系感觉到店员真系好想去帮你令你好舒服，我哋叫咗椒盐墨鱼咀，比之前嚟食更加好食，无论调味同个炸粉都唔会觉得好油腻，汤底方面佢个椰子鸡真系好好味，用佢嚟煮其他嘢食，都仍然有浓浓嘅香味，麻辣就一般正常。蟹柳亦都系比较靓少少，似系用嚟整寿司𠮶啲，鸭血都好食，口感味道都有台湾feel，因为我本身唔系食好肥，我哋叫咗牛颈脊，有少少油花，有牛味，摆盘同埋切得都好平均，醉鸡饺子同埋黑松露饺仍然系好好食。如果钟意食醉腌制品，下次可以试吓系个醉海鲜，应该会好好食。丸类我觉得失色少少。唔系好食得出手打𠮶啲感觉，今日杯生啤，十分之酸，个人唔系好接受到。另外有朋友仔今日生日，临走店家print咗张相俾佢做留念，我觉得呢啲小贴心位，令我好满意。