風車

营业中

休息中

听身边朋友讲大围都有唔少嘅嘢食，现在除咗有唔同嘅大排档同埋粥铺之外，都有啲西式既好餐厅，今日就嚟咗呢间风车。意式薄片刺身带子日本嘅带子刺身就食得多啦，意式嘅刺身又真系第一次食！原来刺身带子都可以做到外国嘅风味。带子上面配有唔同嘅材料，令到成个菜式甜甜地但系有少少酸味，食完之后开胃左唔少，味道系几特别嘅。德国肠拼盘（三款口味）呢三款肠都各有特色，每一款都唔同味道，而我最钟意就系最长果款，肠既外皮煎得好好食，每一下咬落去都系脆卜卜，系三款入面佢唔系味道最咸，反而更得我心。法式烩羊膝羊架就食得多，羊膝都系第一次食，可以话系一试爱上！首先我最欣赏呢道菜嘅原因，系因为厨师煮得佢好淋，基本上你唔使点样用力切，啲肉都好容易分得开，食落去嘅感觉都好嫩滑。而且佢既酱汁，非常之配合呢只羊膝，十分惊喜！Strawberry Colada士多啤梨嘅味道唔会太甜，反而带有一点点嘅酸味，再配合成餐饭，感觉唔错。Pearl Harbor钟意薄荷既人，都可以试吓呢款饮品，饮唔之后你会觉得个感觉好清爽。