茶記冰室 (已結業)

话说前𠮶排全家一齐去咗葵涌𠮶边一齐做运动，沿路见到呢一间茶餐厅塞满晒人同埋装修又几靓，应该系一间几好食嘅餐厅所以就同爸爸妈妈一齐入咗去食餐晚饭。✨鱼香茄子煲($68)鱼香茄子煲镬气十足，每一旧茄子都感受到焦香味道热辣辣，而鱼香茄子嘅肉碎非常入味攞嚟送饭简直系一流！✨西兰花炒虾仁($78)食咁多肉当然唔少得嗌返啲菜嚟食啦，见到餐牌上面啲相嘅西兰花炒虾仁炒得几靓 ，上菜嘅时候果然不负所望，每一旧西兰花都炒到碧绿色，虾仁粒粒好大粒，亦都好有味。✨榄角蜜汁金沙骨($70)蜜汁同埋金沙骨嘅配搭简直系天衣无缝，金沙骨啖啖肉配合埋有一丝丝甜美嘅蜜汁，显得格外惹味 ，令到我同同行嘅朋友，一啖一啖唔停咁食！✨七喜&冻柠茶食茶记当然要嗌返杯冻奶茶同埋七喜，咁先有嘅风味㗎嘛！