尚鮮海鮮料理

营业中

休息中

刚于佐敦道，朋友又想食火锅，咁就走咗上去尚鲜火锅店，呢度以前都有食过，地方细细但系服务唔错，啲火锅料亦都好新鲜，今次都唔例外首先点咗个姬松茸冬瓜汤底，一个手切安格斯牛，脆鲩鱼片，有机田园盛，最后加个饺子双拼即木耳鲜虾云吞和西洋菜香菇饺；好快咁个姬松茸冬瓜汤底就嚟咗喇，当然就整返一两碗先啦，真系好鲜甜，个姬松茸都好香，食落去都劲爽口，冬瓜哩就入口即溶，系我最钟意种口感，饮完两碗汤都饱咗一半，再渌一渌件手切安格斯牛，好有牛味，超正；再渌多一件脆鱼鲩，佢切得比较薄都好爽口，啲鲜虾云吞都好大粒，食落都唔错，而至于西洋菜香菇饺呢，就有啲特别食落去唔觉有西洋菜，但系就好似有啲鱼肉味咁样，尚算可以；个田园盛就真系几新鲜，粟米都系超甜无渣嘅；整体来说，啲材料好新鲜，啲汤底亦都冇乜味精，不枉我帮衬多次。