Sky726

难得放假，紧系出动去捐窿捐罅揾美食. 今次有个朋友介绍依间SKY726, 话间餐厅布置好浪漫，野食又正，最适合同女仔去. 见朋友讲到间餐厅咁正，一于就去试试佢.餐厅位于商业大厦度，一出䢂就会见到依个设计时尚既餐厅标志.天花板上既灯饰简直就令人如置身星空下，果然够浪漫.餐枱摆设尚算整齐.头盘系一杯精致小食，酸酸甜甜几开胃.之后来个温泉蛋沙律，超好食.当然唔少得杯冻柠茶.餐汤就拣左红汤，味道正常，冇咩特别！主菜方面我地就嗌左个香草烧法国黄油鸡同西冷牛排.最后当然唔少得甜品，今次就拣左个百利甜潘奶冻，因为见佢有酒，所以好奇想试下有酒味既甜品系咩味道. 果然冇失望，酒味同奶冻既甜味出奇地夹，令人食完一啖后会想继续再食落去，正！！！今餐好满足，两个人埋单都系900几蚊，都算抵食.