市川日本料理 (已結業)

约咗两个朋友食饭，其中一个话去食呢间餐厅。(佢平时又唔食生野，又唔食牛，唔知点解话要食呢间日本餐厅) 不过佢提出就去食啦，反正我未试过。去到发觉地方好阔落，由于book位，所以安排咗卡位俾我地。对住个维港所以个景唔错! 之后我地就order. 朋友叫咗个煎饺，猪肉盖饭，炸豆腐(必食)。我同另一个朋友就share咗个龙虾铁板套餐，另加多两款卷物。。。炸豆腐真系好正，外脆内软，连我麻麻地豆腐都觉得好好食龙虾铁板餐，我最钟意个龙虾，带子＆银鳕鱼同埋个三文鱼炒饭。一向都觉得铁板烧每样野食啲味道都好似，但系佢呢度啲味道唔会好死板，俾我预期嘅好。重有两款卷物系带子，同埋芒果三文鱼卷，我地挂住食冇影相。我个人喜欢芒果三文鱼卷多啲，因为芒果有甜味，同三文鱼好衬! 最后，我个人对于雪糕就一般。下次会想试雪葩做甜品。大至上系一间唔错嘅中价日本料理，下次都会想再黎!