日本沖繩料理 (已結業)

最近转左新工, 谂住豪少少晌附近食餐lunch, 经友人推介下拣左呢间, 一落到去, 见到侍应带我地去张比几台夹住既位, 见到另一边有好多张吉左既卡位, 问下坐唔坐得, 佢就回应"卡位全部比人订晒喇~" (后来发觉, 直到我地食完离开都无人坐过, 只有其中一张比日本人坐左), 跟住佢就建议我地坐房, 初头以为系私家房, 点知入到去先知原来有一张长台坐左二十个人, 我地同另一班人就分别坐晌另外两张细台, 好似唔应该坐晌度咁, 佢地又嘈, 加上环境装修都好应声, 感觉似茶餐厅多过高级餐厅(话晒都百几蚊一个lunch).Lunch Set 可以拣木田园雪糕或饮品, 我地就问雪糕有边几个选择, 一个连广东话都未讲得正既侍应就唔系好友善咁答"我地得朱古力味咋", 我地再问: "真系得一只味拣咋?" 另一侍应见有D 唔妥, 就帮手答: "其他味运紧过黎, 暂时未有"... 当我地差唔多食完雪糕后, 竟然见到有侍应送左另外几只味过去廿几人果台... 我地都只系几分钟前问咋涡, 点可能咁快有其他人知道有得拣另几只味丫? 可见内部沟通问题好严重.坦白讲, 食物质素唔差, 但系侍应既服务态度同质素都好有问