The Captain's House (已結業)

政府派戏飞，好幸运抢中咗The one晏昼场，咁先到The Captain's House食餐好嘢再去睇戏啦。今日赶住去睇戏，所以求其食下。Fruit Punch, 多种热带水果汁做基底，加买七喜，味道饮落好清爽，唔会过甜，配辣嘢一流。Blue Ocean，荔枝味mocktail，加咗薄荷叶同七喜，成杯嘢饮味味道层次好丰富。今日Seafood Combo拣咗海虾，翡翠螺同原只大头鱿鱼，酱汁系最钟意嘅Cajun Sauce。海鲜质素keep得好好，海鲜同鱿鱼好新鲜弹牙。翡翠螺超大一只，有半个巴掌大，螺肉好厚同埋紧实，好味。Cajun Sauce叫咗中辣，辣得好过瘾，同海鲜鲜甜好夹。粟米同薯仔唔会因为系配角而逊色，佢地嗦晒酱汁味道，食落好惹味。新英格兰白酒海蚬扁意粉，海蚬大大一只，有7-8只，因为用白酒煮，海蚬食落只会清甜，唔会觉得寒，同埋海蚬冇沙，唔错。意粉煮得软硬适中，和白酒酱汁好夹。全部食完好饱TIM，真系好满足！