花貝日本料理 (已結業)

今日约左好朋友去铜锣湾食lunch， 因为同好朋友好耐无见，佢又想食日本菜，于是就揾间环境较清优同埋高级的日本餐厅。 餐厅座落铜锣湾开平道1号Cubus 6楼。 电梯门一开， 就见到一间好有日本feel的居酒屋， 感觉去左日本一样。 店员好有礼貌带入座， 餐厅有分吧枱同箱房。 我地就钟意坐吧枱， 可以望到厨师同整野食过程。我点选omkase 五款寿司嘅餐。Omakase 有前菜， 寿司，卷物， 烧物， 乌冬等。五款寿司包括: 鲷鱼， 秋刀鱼， 鱿鱼，甜虾， 鲭鱼。 每一款只可以用新鲜， 甜美同好好食形容， 每一件入口的感觉， 好似亲身去左日本食咁。 寿司鱼的鱼油香充满口腔， 寿司饭已加少少酱油， 基本上都唔洗自己再点， 厨师已经调好哂味道。鸡肉卷上碟系热辣辣， 煎得香口， 中间配上蕃茄， 可以中和返鸡肉的油份。天妇罗， 普通同高级餐厅的分别， 在于高级餐厅厨师在厨食时用油同给油的技巧， 天妇罗夹起身系非常脆口， 无多余的油分， 脆卜卜入口。花贝日本料理带比我五星级享受。