一風堂 (朗豪坊) (已結業)

今日落班就过去朗壕坊买野，去到都七点几喇，咁就淋住食完再去拣，朗壕坊呢边有好多食店可以拣，于是就睇下边间人多就去边间，通常我觉得人多嘅地方我就觉得肯定系好食先多人排队，行到一风堂风到有几多人排队，原来嚟系食面嘅，咁就排左二十分钟左右。既然系面食作为招牌菜，肯定要点返个面喇，我要左个黑面，黑面其实就系黑咖哩面，猪油铺面，有三片薄薄嘅半肥瘦猪肉，仲有半个溏心蛋，黑咖哩都几香，汤底唔错，面都做得几好，系手工面，比较有韧道，几弹牙，不过价钱唔平，下次可以试下其他味道嘅面。炸鸡变，味道几好，唔系外边裹住厚厚一层粉果种，炸得好酥脆，肉好嫩，味道够，腌得时间够长，好入味，几好食。牛油果鲜虾沙拉，虾好新鲜，好清甜，分量唔大，不过感觉好清新，出品都算OK。