魂 (已搬遷) 新店位置

第一个食评识写一定系同魂写！第一次食系食青龙，本身冇期望，菠菜汁拉面，有啲难想像，但女侍应推介，侭管一试！菠菜汁完美同猪骨汤融合，比一兰既汤底更清甜，又冇别天神汤底奶味重到以为自己饮紧奶。早排再去食，叫左火魂。辣椒丝同叉烧同中间既三文鱼简直绝配！！块叉烧好tender，食过最好味既！睇返食评，好多人嫌火魂唔够番茄味又唔够辣，计我话，家下系食紧拉面唔系茶餐厅米线，唔应该反客为主，比蕃茄味盖过猪骨汤味，又唔系个个都食得辣，一样𩠌难养百样人，我就食过2款后一路心思思想试埋原味同墨鱼汁味，$98系高价左啲，但物超所值！