泰屋

营业中

休息中

之前朋友带过黎食觉得几正，今次就带返男朋友黎食下。餐厅环境光猛企理，座位都有成七八十个，到七点半已经全场坐满。系咁多人情况下，侍应服务仍然好好，上菜收碟都好快手。今次叫五样，每人大约$170。腌肉碎生菜包 $85猪肉碎带有好香嘅香茅同青柠味，味道有少少辣，唔干唔油，有十磈生菜左右，包住食够哂新鲜。泰式沙嗲串烧 $85鸡肉同牛肉各三串，鸡肉嫩唔鞋，牛肉入口牛肉香味好浓，沙嗲酱味道甜味特出，有唔少花生碎。青咖喱鸭 $82青咖喱辣度好够又惹味，鸭肉分量都几多，酱汁杰度刚好。印度油酥饼 $36非常脆，入面仲有有好多层，每层都好簿，口感相当酥脆。配上咖喱汁，更滋味。鲜芒果糯米饭 $48辣辣辣嘅糯米饭同冻冰冰嘅芒果，加埋香浓椰汁一流。芒果够甜唔酸，糯米饭软身唔干。