鴻星中菜 (已結業)

有亲戚黎到香港，当然要尽地主之谊。带他们周围食周围玩。时代广场，当然系必到之地。有得shopping又有得食饭，出面公众地方不时仲有展览。临近英国奥运，展出左代表英伦的双层巴士模形。游客必到影相位。行到夜晚，去左旁边的 “食通天” ，周围都系餐厅,Good! 亲戚话想食中菜，最后拣左 “鸿星海鲜酒家”一入到去，环境都唔错，门口有个花圈的内拱，好似人地结婚摆酒咁，哈。好彩时间尚早，未算有太多人。座低之后，见隔离枱d人，食紧黄油蟹，问左d职员，原来合时令开始推出黄油蟹。其实入黎之前，大家一心想叫小菜食饭。最后大家维持原判，叫返小菜，下次先食黄油蟹。我地叫左乳鸽，蒜香九肚鱼，干扁四季豆。亲戚话乳鸽好食，热热地，很香口。九肚鱼炸得不错，粉桨薄薄一层四季豆一般水准，拌饭不错。整体服务不错，周不时都有换碟加水。最后主动问我地要唔要糖水，有得要，当然要啦。满载而归。