影片
更多
2022-05-22
336 浏览
琴日傍晚喺尖沙咀行到饿饿哋，突然想起好耐冇食嘅沾面，所以随即喺 openrice 搜索一吓，就选择咗一间喺附近，兼有好多正评嘅元祖沾面专门店食晚餐。踏入食店嘅第一感觉，系店舖size唔大但都挤满咗七、八成人，加上睇完manual 后发觉沾面款式非常多，而且配搭吸晴海鲜例如龙虾或者海胆，所以拣选食乜嘅时候我同另一半都蛮兴奋，最终我哋点选咗两客沾面加一客小食，包括一客极上芝士海胆沾面、一客元祖终极龙虾沾面及一客唐扬鱿鱼，记得完成点餐后，我自己就非常期待食物快啲上菜，等我可以饱尝美食。 食物逐一上枱后，视觉画面令人感到兴奋，加上呢次系我哋第一次嚟呢度食嘢，眼见两碗热腾腾并色彩缤纷嘅浸汤，更差唔多相信呢一餐必定为美食，可惜呢种想方法只能维持喺我用餐嘅首五分钟，即食咗三啖沾面左右嘅时间，之后呢⋯⋯⋯不对劲嘅食感陆续涌现脑袋！首先系面嘅质地，个人越食越觉得似乌冬多过似面，尤其回想多年喺香港或日本多地尝过嘅不同沾面，都从来未食过呢种面质，所以不禁怀疑呢度嘅沾面究竟算唔算属日本正统？ 另外叉烧嘅质素不论系原块或者切粒款式，我都觉得肉味欠奉，反而尝肉期间不时食到一点点嘅雪肉和硬实感，相信食过质高正统拉面
踏入食店嘅第一感觉，系店舖size唔大但都挤满咗七、八成人，加上睇完manual 后发觉沾面款式非常多，而且配搭吸晴海鲜例如龙虾或者海胆，所以拣选食乜嘅时候我同另一半都蛮兴奋，最终我哋点选咗两客沾面加一客小食，包括一客极上芝士海胆沾面、一客元祖终极龙虾沾面及一客唐扬鱿鱼，记得完成点餐后，我自己就非常期待食物快啲上菜，等我可以饱尝美食。
食物逐一上枱后，视觉画面令人感到兴奋，加上呢次系我哋第一次嚟呢度食嘢，眼见两碗热腾腾并色彩缤纷嘅浸汤，更差唔多相信呢一餐必定为美食，可惜呢种想方法只能维持喺我用餐嘅首五分钟，即食咗三啖沾面左右嘅时间，之后呢⋯⋯⋯不对劲嘅食感陆续涌现脑袋！
首先系面嘅质地，个人越食越觉得似乌冬多过似面，尤其回想多年喺香港或日本多地尝过嘅不同沾面，都从来未食过呢种面质，所以不禁怀疑呢度嘅沾面究竟算唔算属日本正统？ 另外叉烧嘅质素不论系原块或者切粒款式，我都觉得肉味欠奉，反而尝肉期间不时食到一点点嘅雪肉和硬实感，相信食过质高正统拉面或沾面嘅朋友就懂分辨靓嘅叉烧同差嘅叉烧分别喺点，而我对呢度嘅叉烧评价就属后者。
之后轮到原板送上四颗海胆，唔知道食材系变坏咗定过期，今次食到嘅四颗海胆都系又臭又苦嘅，相对我喺呢度食评见到一啲朋友讲佢哋食到嘅海胆系味道鲜甜，我顿时有一种天堂同地狱嘅分别感，可恨嘅系我今次唔够运食咗啲劣食海胆，希望今次只属个别事件啦，但食店负责人或厨师喺入货时应该要多加留意呀，特别而家已经踏入天气热嘅月份。
小食嘅唐扬鱿鱼，味道就不过不失，算对得起四十几蚊嘅价钱。 最后埋单找数🈴️共食咗四百几蚊，价钱唔算贵，但亦唔系便宜。 离开店后好快就谂，4⃣️百几蚊如果两个人去食沾面，喺香港著实仲有好多选择而且质素肯定更好更高，今次食后感除咗汤底俾我觉得可以之外，其他食物都只属一般甚至水准以下，相信我唔会再到呢间食店帮衬多一次。
1 浏览
1 赞好
0 留言
1 浏览
0 赞好
0 留言
13 浏览
0 赞好
0 留言
10 浏览
0 赞好
0 留言
张贴
