元祖沾麵專門店

营业中

休息中

差到難以想像  社交平台  留cmt 比餐廳block埋D 湯成pat 醬咁 食埋我個份啲面好似未煮熟咁啲湯完全冇香味得個杰日日社交平台開埋啲鋪喺度日吹夜吹講到自己幾巴閉幾巴閉咁食開拉麵就知呢間垃圾

同同事lunch唔知食咩 去厚福街望下見間野派傳單又有優惠卷 就入去試下我地一人叫左個沾麵加大個份量好多 係男仔都飽肚既份量味道就麻麻去到埋單時 比張優惠券佢 佢先黎話唔用得張野寫「午市外賣配飲品/任何時段堂食可用」佢就話要叫飲品先可以用 叫我地自己睇多次我哋睇多次 都係唔明點解佢講到我地睇錯咁😅如果佢話佢寫錯 其實優惠唔係咁用既都無咩所謂 但佢態度語氣極差（個時仲要唔多客人 無人排隊比錢）唔會再去😀

食左個最基本嘅龍蝦沾麵，明明下面有得圈「不要」咩材料，其中一樣有叉燒，咁suppose應該有叉燒啦⋯結果，冇！一舊都冇！得一大餅唔彈牙嘅麵、一片紫菜、一啲筍、同埋個湯，入面得幾粒細得可憐嘅肉粒⋯食沾麵最緊要個湯，但佢個龍蝦湯極普通，滾完都唔熱，部份直頭係凍。食兩食湯已經超稀，麵一啲都唔掛湯，食左total $107 (茶好似要收茶）。疑似老闆係出邊係咁派街招，嘢食冇誠意又唔係平，生意唔好都係合理。食咗個空虛，沒有下一次。

1）特製八代赤海老沾麵 + 叉燒、木耳、糖心蛋2）終極特濃魚介沾麵（落單時要額外同店員講）+ 叉燒、木耳、糖心蛋兩者都係湯底濃厚，適合重口味者😂食食下覺得湯底唔夠既話可以免費添加！仲會幫你整熱返👍🏽店裡面有貼住完整享用沾麵既程序，係食完成個麵之後請店員幫忙加湯底！即刻變左平時高級西餐廳飲到既龍蝦湯同埋魚湯😋我同朋友食完之後都非常飽同滿足！

行行吓街發掘到尖沙咀一間沾麵，竟然又覺得幾好食，呢間沾麵嘅湯可以再加，我係食拉麵一定每淡都要有湯嘅人，唔使驚慳住啲湯嚟食，每次加湯個湯都係熱鬼，我同朋友每人都加咗一轉，沾麵個面幾有咬口，煙韌度啱啱好，而且我哋總加咗海膽，我自己叫咗個芝士海膽，鍾意食芝士嘅人可以試吓，但係我覺得個芝士有少少滯，但整體都覺得好好，而且餐廳會有包紙巾，有我鍾意嘅達摩公仔，價錢合理，人均大約$100-$120左右，質素都OK

黃金瀑布蟹粉沾麵：這款沾麵是絕對值得一試的美食之一。精心烹製的蟹粉醬搭配著Q彈的麵條，每一口都散發出濃郁的海鮮風味。蟹肉的鮮甜與麵條的口感完美結合，令人難以忘懷。這道料理的獨特之處在於其濃郁的蟹味，令人回味無窮。無論您是海鮮愛好者還是美食探索者，這道「黃金瀑布蟹粉沾麵」絕對會讓您愛不釋手。

第一次見到沾麵，好奇心驅使下走左入呢間餐廳。我點左豚肉海老魚介沾麵，朋友分別點左芝士海膽沾麵配原板海膽同龍蝦湯底沾麵😋沾湯係用石鍋滾住上菜，魚介沾湯嘅味道好清爽，沾麵有彈性。芝士海膽同龍蝦湯底嘅味道好濃郁好香！下次再去試下拉麵！

下午三點幾，响尖沙咀行行下有啲肚餓，想揾個下午茶食下，見到呢個時間呢間竟然有人派傳單，見位叔叔咁落力，就即管幫襯下。雖然已經三點幾，呢度依然食緊午市特價套餐，款式選擇都算多，不過比較大路。價錢唔算貴，加十蚊有湯和飲品，可以接受。看餐廳名字，呢度招牌菜應該係沾麵，不過我冇試，反而揀咗日式咖哩豬扒丼，因為睇相真係幾大份 😆而實際上都唔算細，至於味道，就算一般的日式套餐，唔會差，又冇乜特別，間唔中食下都可以。呢度環境有少少窄，不過奇怪嘅係，非常多人，我食到下午四點幾，依然不斷有人幫襯，難道依家興下午茶食大碗飯~ 😅

店舖環境一般食物質素亦一般員工服務水準麻麻.廚師應該是新來的.喺個客面前會話煲生米.唔用得要叫員工出去買兩盒飯頂住先.另外本身叫咗個炸雞丼飯. 應該有五件雞.出俾客人四件而要候補一件. 原因好大聲聽到佢哋講話佢喺廚房佢哋食咗一件所以唔夠. 這樣的服務態度真的不可接受其實本身喺港島吉之島嘅分店食過本身覺得幾好食，而佢老細亦都極力推介，所以試吓尖沙咀嗰間，但真的唔會再有下一次

第一次食元祖，一坐埋位已經聽到廣東歌，都唔係問題，一路聽住入邊嘅員工以走音嘅聲音唱歌，實屬堪輿。見到Menu啲圖，一開始對食物有少少期待，但當佢嚟咗之後只有無盡嘅失望。我嗌咗個叉燒拉麵，個面嚟到之後已經冇晒任何幻想，聞落去似係啲罐頭豚骨湯嘅味，拉麵有非常重嘅鹼水味，叉燒好大浸雪藏味，仲見到有淋巴，舊蛋係半熟，湯底死鹹，成碗拉麵唯一叫做好啲嘅地方係塊紫菜同埋啲筍。食完之後即刻俾錢買單出去買嘢飲。唯一好嘅係有免費紙巾提供。真心唔建議大家嘥錢嚟食，區內有更加好嘅選擇。

去到日暮家原來已經結咗業，咁去咗呢間食啦，因為今日心情係要食拉麵，個人覺得拉面味道就一般，中等啦～可能係舖頭陣味影響，埋單見到，嘩，個職員遞埋黎果2杯熱綠茶原來要$10/杯，都算喇，另外仲要加1服務費？ 唔知以為去咗酒樓！今次中咗先留意到舖頭話有寫句細字，無問題！下次唔會再去～

一個想食沾麵，一個想食拉麵，呢間就啱晒喇！呢度嘅沾湯與別不同，除咗經典魚介湯底仲有海老、龍蝦及芝士湯，而且配搭選擇高質。如：黑魚籽糖心蛋、海膽及龍蝦等…🫕極上芝士海膽沾麵配原板海膽石鍋沾湯滾住上，芝士味強烈濃郁裡頭有豬角粒，麵有彈性將麵條放進石鍋內一路食溫度更可keep 住，湯底唔夠仲可免添黑蒜豚肉叉燒拉麵湯底蒜香味極濃，三大塊豚肉叉燒肥瘦適中，口感軟腍，流心蛋入口滑溜配流心蛋 、黑木耳、京蔥及筍份量十足

又難食 又貴 所謂整板海膽 得四淡 叉燒又雪味 茶都可以收錢 係都有寫明。但都係角落頭好細隻字個啲 收錢都算 啲茶可以凍既但又剩係可收現金 好瘋狂下次唔會再泥 伏味係滿星不知所謂既餐廳

今日放工約朋友去到尖沙咀一間頗有名氣的日式拉麵店,嘗了兩款極具特色的沾麵菜式。。首先嘗試的是極上RACLETTE芝土龍蝦沾麵（$168）沾麵的麵條質地軟滑,搭配香濃的龍蝦湯底,令整個用餐過程非常奢華。龍蝦湯頭濃郁而不膩,每一口都散發出龍蝦鮮甜的味道,口感濃郁而令人難忘，特別用了石窩保熱，夠細心。芝士與海鮮的完美融合,讓我彷彿置身於優雅的法式餐廳。。另一款同樣吸引我目光的,是豚肉魚介沾麵（$89）湯底使用了魚介，湯頭鮮美甘醇,帶有一絲微微的鹹香,讓人回味無窮。沾麵的麵條質地柔軟,加上湯頭的鮮味,每一口都是滿足感。令人驚喜的是,沾麵可以無限次續湯,讓我吃到最後一滴都捨不得浪費。。最後,店家更貼心地提供免費加注木魚湯的服務,將剩餘的湯汁一飲而盡。木魚湯湯頭濃郁香醇,為整個用餐體驗畫上完美的句號。。整體來說,這間日式沾麵店的菜式創新,並且提供了優質周到的用餐體驗,從沾麵本身到免費續湯服務,都讓人感受到店家的用心。。元祖沾麵專門店 (尖沙咀)尖沙咀厚福街5-6號多富閣地下5號舖

上個月嚟，試咗沾麵，不過不失。今次試湯麵，個叉燒有雪咗好耐個陣味，麵唔多，都算。但埋單個時原來杯綠茶要收$5，上次嚟都無。佢話張紙有寫，望一望，啲字細隻到呢。食開其他拉麵店都無收茶錢，肚餓入嚟食嘢咁大張紙真係唔會留心睇。我話呢啲額外收費要講聲，佢話已經寫咗係度 (sorry係我眼太大所以睇唔到)。已經收加一仲要收茶錢，又唔係真係好好味，唔會再嚟。ps: 佢寫叫飲品就唔收茶錢，其實佢講聲，我可能會叫飲品，識唔識做生意咪呢啲囉。