韓雅林 (已易手) 新餐厅

几年前去过一次，当时系同一班朋友庆祝生日，这一次的经验另我十分记挂。今次细佬生日，同家人谂去边度食饭嘅时候，我第一时间谂起韩雅林，因为细佬十分喜欢食韩国菜。所以前一晚已经以电话预先订位。去到嘅时候，见到好多人喺度等位。谂住订咗位唔需要等，但门口嘅姐姐见我未齐人，要求等一阵。当时真系有点嬲，我订左位都要等？心谂间餐厅系咪好食到咁寸，订咗位都要等。好彩只系等左十五分钟左右就比枱我。我哋一共五个人食饭，叫咗大概8样菜。有韩式烧薄饼、海鲜石头锅饭、焼鱼、炒粉丝、人参鸡汤及两碟烧肉、当然仲叫左生菜包烧肉食。味道当然好，因为听说系韩国人开，所以味道比较正宗，烧肉新鲜，但包菜食既汁比较咸！爸爸最喜爱食烧鱼，我就比较爱食韩式烧薄饼、海鲜石头锅饭，感觉好正宗！今日嘅主角细佬，就样样都钟意食。埋单五个人，大概1100元。价钱唔算太贵，值得再食。