韓雅林 (已易手) 新餐厅

偶然都好想食下韓國野🇰🇷今次就去左食銅鑼灣嘅韓雅林，主打正宗韓國料理 😉呢到裝修到古色古香嘅韓風，卡枱坐得舒服🤓坐低無耐，阿豬媽店員先送上自家制泡菜八小碟，款色超多，食完仲可以添🤩外貌普通嘅熱茶竟然係玉米鬚茶，有淡淡嘅玉米甜味🌽醬油蟹✨一諗起韓國料理就會諗起醬油蟹😜韓雅林嘅醬油蟹仲要係韓國直送嘅💓一入口就感到鮮甜，繼而食到Creamy嘅蟹膏同埋帶點漿性嘅蟹肉🤤阿豬媽店員會將蟹殼嘅膏刮得乾乾淨淨！撈埋去大量紫菜大量芝麻嘅麻油拌飯入面😍好味到痹！韓雅林牛肋骨皇✨呢到嘅招牌就係呢條牛肋骨皇🥰牛肋骨嘅肉佔得好多又好厚，而且甜甜地嘅韓式燒汁醃得好入味😋牛肉肉質嫩滑帶點彈牙又多肉汁🤤阿豬媽店員會幫助剪開一塊塊，再半煎半炒，話咁樣係最好味😆韓國生菜麵豉醬✨牛肋肉配埋生菜、洋蔥泡菜、麵豉醬包埋一齊食係第二種食法！生菜、洋蔥泡菜可以減輕油膩感👍麵豉醬帶點鹹味、豆香濃郁，同甜味嘅牛肋肉出奇地夾🤩紅棗茶✨最後送上濃稠嘅紅棗茶，紅棗味道香甜！感覺真係好滋補養生💖仲有糯米糍食添！😜韓雅林 (銅鑼灣)銅鑼灣軒尼詩道489號銅鑼灣廣場一期6樓

韓國料理，成行成市，有些店食後，真係感到被騙，貴不在話下，最重要唔好食，可能不是正宗韓國料理，朋友介紹下，來此店食了幾次，水準，份量，味道都可以推薦，一上配菜，好多款式，八碟，食配菜都飽飽地唷，有我最喜愛的魚乾，真係樣樣都幾好食，手工貴價嘢，紅炆牛肋骨，入味甜甜地，份量都算多，一人餐絕對足料，蠔仔石頭飯，熱辣辣，蠔仔比想像中細，但飯加辣醬撈混一起，非常美味。

韓國燒肉餐雖好味，但成本高，如果日日當午餐食，未到糧尾已陣亡，間中食石頭飯平衡生心理，感覺就好好多，去韓雅林食晏會更開心，因為落單後會收到八碟前菜。用料是坊間韓店常見的蕃薯、芽菜、泡菜和豆腐等，以前還有美味魚仔供應的，今次消失了，卻意外發現有筍片。食落每款前皆好味，當中最鍾意大大粒蕃薯，夠薯味、不過甜；青瓜肉片爽口又惹味，食得開胃，兩小碟都有自家特式。食過八小碟後，女店員恰好送上發出吱吱聲響兼冒烟的石頭飯。要注意的是，女店員會先放飯窩在枱邊，然後將飯及餸拌均，此後才移送飯鍋到客人面前，免去客人自己動手撈飯，過程中她不發一言，密密工作。記得初次光顧時，見她將飯窩放枱邊後逕自行開，遂自行取過飯窩準備起筷，未料她突然拿着醬料折返，默不作聲地拿回飯窩，再動手混醬入飯拌勻，事後交回飯窩給我。當刻，方始自己衰多手，即時講句 Joesong-hamnida 道歉。午餐款式選擇多，每款均配有餐湯，除正價飯餐外，還有是日特價餐，每天兩款，天天不同。先後試過蠔石頭什錦飯及韓式麵豉湯（連白飯一碗），前者值得推介。拌均後的蠔石頭什錦飯亂七八糟，沒賣相可言，仍可見蠔身夠大隻，粒粒外型飽滿，色澤光亮，份量頗多，入

韓雅林Happy Birthday to my Dear Friend!!!! 生日飯，圍埋一枱韓燒永遠係好好嘅選擇！| 牛肉素菜雜錦飯 |色香味俱全！ 牛肉加上韓食燒汁，香味四溢，韓國米香糯彈牙，加上石頭鍋，鍋底微焦的飯焦令口感更加香口有層次！| 海鮮滑豆腐湯煲 |生日要飲大醬湯！呢個豆腐湯煲就啱晒！海鮮配合大醬真係一絕！不過味道都偏濃！| 燒肉拼盤 |豬、牛、雞、羊四種肉類，咪以為係拼盤份量就會少，佢呢四款肉各燒夠燒2 around㗎！肉也唔算醃得太過，而且相當新鮮！

今晚我們去咗銅鑼灣廣場二期嘅「韓雅林」食晚飯！我們叫咗人蔘鷄湯、炆牛肋骨栗子煲、宮廷式炒年糕「牛肉」同韓式炒粉絲「牛肉」！餐前小食有八碟，相當豐富！人蔘鷄湯嘅鷄肉好滑，湯料非常足料，味道相當濃郁！炆牛肋骨栗子煲嘅牛肋骨炆得好腍好入味，牛肉味非常濃郁，味道相當香甜，而且份量十足！係本人嘅必食推介！宮廷式炒年糕「牛肉」嘅年糕非常煙韌彈牙，口感十足！牛肉韓式炒粉絲「牛肉」嘅粉絲非常爽口彈牙，鑊氣十足，味道調教得恰到好處！

今次嚟到銅鑼灣食韓燒！經朋友提議下決定提早一日訂定位，make sure有得食。當日因為朋友們提早到達，又想早啲搵個地方坐下食住嘢傾下計，所以就打去餐廳問:「可唔可以提早一個鐘嚟？ 」最後當然得咗啦！嚟到時間差唔多6點鐘，見到有好多空位，間餐廳幾靚，睇得出有花心思裝修。地方又夠大，唔單止可以容納好多人，仲坐得幾舒服！之後我地就嗌嘢食，諗咗好耐都唔知嗌咩好，好彩冇人催我哋。我哋食量唔多，嗌咗個魚餅、鹽牛肋肉（regular size) 、同埋㷈制過嘅雞肉。食物嚟到，覺得食物一般般，冇驚喜，所以換來失望。（1） 前菜不過不失，對薯仔印象深刻，好食！（2）牛肋肉冇乜味，需要燒烤後用醬汁先覺得ok；（3）雞肉相比下好食！夠入味，肉質都幾嫩；(4). 魚餅，失敗之作！冇乜魚味食物份量都幾大份，三個要食哂都幾難，飯後仲有三小片西瓜同每人一小杯維記雀巢雪糕送，呢點都算貼心！不過論美觀可言，俾多幾塊西瓜會更好價錢方面： 我們一共3個女仔，around $168/per person價格略貴，好似唔多值，不過同一班朋友嚟食個飯都ok嘅！不過就唔好expect會有咩驚喜。

上次在銅鑼灣廣場食過茶木之後，見到韓雅林便心思思想食.甘岩又到銅鑼灣搵食，估唔到Sunday都有set lunch, 正!!!就想到呢度食便宜午餐嘛。我同友人分別點了, 香辣八魚石頭飯 及 炆牛肋骨.先黎有前菜足足有8碟, 陣容好豐富!泡菜好味薯仔好綿和甜其他的都不錯!炆牛肋骨牛肋骨好入味好稔，牛味香濃而且分量好多，蘿蔔略嫌偏甜，再配上以牛骨和牛肉煮成的蘿蔔湯~~甘香無比~正!!!香辣八爪魚石頭飯，有八爪魚，冬菇，撈著辣汁來吃，很惹味, 加上有飯蕉香, 辣得過"引".總括黎講，食物質素唔錯，又有韓國人侍應，感覺正宗D，侍應服務亦非常好 

幾個貪吃的同事, 上次到旁邊的茶木吃午餐時,已說好下次要到韓雅林一試!  前菜前菜足足有8碟, 陣容好豐富!泡菜略嫌太酸, 放太久了啦.. 薯仔不夠軟和甜, 不算最好吃..其他的都不錯!海鮮豆腐鍋白飯好好吃, 是韓國米.湯也不錯, 料算挺多的, 豆腐也很滑挺香!  蠔仔石頭伴飯出奇的好吃!!石頭伴頭本來就是挺開胃的, 加上一點都不吝嗇的蠔仔, 有了海鮮的味道, 超級好吃!!極力推介!燒鯖魚定食燒鯖魚定食, 基本上都不會差很遠啦~但這裡的鯖魚比較大, 油香也很濃, 質量賣相都值得一讚喔!基本上, 我們三個都算是能吃的人, 但也吃不完, 很撐! 埋單只是每人$88! 如果四個人來吃, 點三個餐, 份量應該剛好, 不用浪費, 埋單更便宜!這裡, 肯定會再來!

韓雅林這問餐廳，真係可以話係小弟"由細食到大"既餐廳。試過多間韓國餐廳，都覺得係韓雅琳最好。今日七一到銅鑼灣又再去食。可能今日係七一，特別小人，上菜速度亦都較快。今次就叫咗三樣嘢食：人蔘雞湯、刀削麵、傳統石頭飯。先來八點前菜，款式多，任君選擇。相片係有，但係食到一半先至影， Sorry !第一碟餸來了！就係石頭飯！牛肉非常多，好香好香呀！有侍應幫你撈埋自己唔使撈，唔會搞到成身油煙味，擺一陣先食，仲會有飯焦添！第二就係人蔘雞湯，我覺得呢個係入面最好食嘅，極力推薦！ ！ ！隻雞肉好滑， 仲有大大條人蔘。呢個人蔘雞湯跟一個飯，我鍾意將啲飯囉一個湯度食。第三個就係刀削麵，好韓國風味！刀削麵好QQ ,好大胡椒味！食完仲有一個甜品，可以選擇紅棗茶或雪糕。仲送幾快西瓜。侍應大部份都係韓國人，服務態度好好。一定會繼續去！

我的生日飯，想食醬油蟹，就黎左呢間。叫左好多野食，都好好味，偏偏係個醬油蟹唔多OK。。唔鮮唔甜，醬油撈飯亦唔香。食物上得都叫快，但飲料就非常非常慢。。 三催四請先黎。。 包燒肉既伴菜非常新鮮，多款，係韓國本土菜。海鮮煎餅OK，仲有記得叫左一個生蠔伴泡菜，非常非常好食，不再menu，係朋友認識職員，另外叫的。大家可以試下。但當晚8個人叫左好多野食，食得飽晒，每人都係二佰幾，都好抵。 

看完韓劇很想食海鮮湯麵及炸醬麵，朋友介紹到這間店試試。晚上約八點，店內幾乎坐滿，要搭枱。店員送上餐牌後隨即點了海鮮湯麵，炸醬麵及煎餃子。店員還很細心問，海鮮湯麵要小辣、中辣還是大辣，我點了中辣。湯麵不是即食麵，是韓國拉麵，非常好食，中辣海鮮湯麵辣度適中，炸醬麵亦不會太甜，煎餃子只是一般，不及兩碗麵出色，餃子內的肉可能雪了一段時間，有雪味，而且煎得不夠香口。用餐完畢後，店員親切介紹兩款免費甜品，有紅棗茶或雪糕，而且還有清甜西瓜。總括講，食物質素唔錯，店員服務亦非常好。

成日黎呢度食lunch,因為前菜夠多又好食，又有韓國人侍應，感覺正宗D。今次黎主要要食今期既大熱-----醬油蟹我第一次食係響韓國，蟹肥膏厚，一試難忘。醬油蟹一份有2隻，店主話係韓國醃好送到的。上枱的蟹好似大閘蟹，顏色比我韓國食既深色，膏都算多。呢度白飯要另外叫的，蟹膏送飯確係一流！一份蟹我食左半隻，另外我朋友第一次食就大讚好好食，仲食左2碗飯去送蟹膏！呢度食蟹不用預訂，亦比其他店方便，想隨時食都有！

都有幾年都到過韓雅林，難得可以long lunch, 於是就去食午餐。午餐款式非常多，飯、湯、麵、燒烤，任君選擇。我揀咗辣海鮮豆腐湯，有四碟前菜同紅棗茶。前菜分別係泡菜、茄子、炒西芹同醬蓮藕。泡菜味道非常之好，微辣帶酸，唔會只得個辣味。茄子軟滑又入味，醬蓮藕不錯，連我唔好蓮藕嘅人都食晒。辣海鮮豆腐湯熱辣辣，個湯有蝦、魷魚、蜆，仲有豆腐、洋蔥、蛋等配料。湯底惹味，唔會太辣，撈飯一流，飽肚又暖身。最後以紅棗茶作結，好吃的一餐！

Originally wanted to eat at another restaurant when I saw that this one was next door. So, decided to give it a try as I haven't had Korean in quite a while.Han Ha Rum is your typical old style Korean restaurant. They are fairly busy at lunch hour and have a variety of lunch sets under $100 that include appetizers, rice and a dessert. I ordered the L.A. Gaih Bi lunch set for $75.You should note that there are no sharing of lunch sets. Every one has to order at least one. I guess girls on diets a

冷鋒襲港，出門圍上了一圈毛頸巾，還是不夠暖，問友今晚不如吃些熱食吧？不吃打邊爐，改為燒一燒吧！出發！選擇<韓雅林>的原因是:首先，本人長期光顧這間，吃慣了它的味道，食材新鮮，份量不欺人（不是很大份但不少）。第二，抽風系統效能不錯，不會令人吃至汗流浹背，而且沒有討厭的油煙味。第三，時常保持燒爐的清潔，如果有燒焦了，侍應很自覺會為客人更換，同時這樣燒比較健康！燒焦物容易致有害物質。最後，因為有甜品送，令人心花怒放！泡菜啊泡菜，每款都好好吃啊！友人最愛大白菜泡菜，因為辛辣味十足！我最喜歡脆口的大豆芽及菠菜，充滿麻油香味！泡菜多吃都不怕胖！工慾善其事，必先利其器。經典的韓國餐具！友人每次來都必吃的牛肋肉($150)，可口美味，可是一煎完必須即吃！提示：不要把全部一次煎好，否則只消數分鐘，牛肉質已差之千里！煎兩片，吃完，再煎！個人認為有骨的牛肋肉比較好味些，下次還是要有骨的比較好！配有一大碟沙拉，最後吃不完，有生洋蔥及生菜，微辣！作用是開胃吧！最喜歡燒海鮮了，因此點了帶子，共８粒，＄１７０！是急凍的，不過勝在大大粒！上面已有油及少量黑椒調味！出來多汁，沒有腥味，最重要是容易控制，