影片
更多
2006-12-14
同男朋友0系旺角行街行到差不多到晚上10点钟, 路经女人街就念住揾d从未食过既餐厅试下, 结果入左一间叫做"澳门路环茶餐厅". 一入门口既感觉怪怪, 一间比较阴暗既茶餐厅冇装修, 但每台都有部细电视, 念住只系普普通通食餐饭既我就唔理咁多, 开始睇menu...点知...个老板娘行埋唻介绍佢个二人餐老板娘: 呢个餐好好卖架, 叫呢个啦, 有炸蟹钳, 烧烤拼盆, 炒菜, 虾伊面同两杯饮品$128, 我: 我唔想食烧烤野㖞, 睇下先啦.老板娘: 如果你唔想食烤野咁比你转个小菜啦, 不过个拼盆值五十几蚊架, 小菜40蚊架咋...我地都未confirm叫果个二人餐佢就自己0系度写单, 仲问我拣咩菜, 要西兰花定通菜, 我再话未决定食咩㖞, 你一阵先落单啦, 佢就话咁即系要炒饭定伊面呀? 我见佢非要我食呢个餐不可, 咁我就睇下有咩小菜可以叫啦, 之后见到个煲仔菜既牌我就问佢我: 可唔可以转呢d$42既煲仔呀? 老板娘: 得, 不过要加8蚊有冇搅错呀小菜同煲仔相差果2蚊, 但系竟然要我加8蚊, 我梗系唔制啦, 我都仲未能专心睇餐牌, 佢已经自己入左个二人餐既单就行左去, 过左1分钟左右再行过唻问我
老板娘: 呢个餐好好卖架, 叫呢个啦, 有炸蟹钳, 烧烤拼盆, 炒菜, 虾伊面同两杯饮品$128,
我: 我唔想食烧烤野㖞, 睇下先啦.
老板娘: 如果你唔想食烤野咁比你转个小菜啦, 不过个拼盆值五十几蚊架, 小菜40蚊架咋...
我地都未confirm叫果个二人餐佢就自己0系度写单, 仲问我拣咩菜, 要西兰花定通菜, 我再话未决定食咩㖞, 你一阵先落单啦, 佢就话咁即系要炒饭定伊面呀? 我见佢非要我食呢个餐不可, 咁我就睇下有咩小菜可以叫啦, 之后见到个煲仔菜既牌我就问佢
我: 可唔可以转呢d$42既煲仔呀?
老板娘: 得, 不过要加8蚊
有冇搅错呀小菜同煲仔相差果2蚊, 但系竟然要我加8蚊, 我梗系唔制啦, 我都仲未能专心睇餐牌, 佢已经自己入左个二人餐既单就行左去, 过左1分钟左右再行过唻问我拣左个小菜未?
我: 咁我要杂菌炒猪颈肉啦
老板娘: 乜你头先唔系话想改煲仔架咩?
我: 加8蚊, 唔啦!
老板娘: 一系你拣返个煲仔啦, 加你5蚊算~
我: 我睇下有咩煲~
老板娘: 0下, 你未睇架, 咁算啦, 唔好拣啦, 就食呢个啦!
呀~~~救命呀~~~刘德华几多号电话呀, 我真系想反台呀!!!点会有d咁既服务架!!!好冇mood咁食完餐饭就行去比钱, 张单total $140(因为冻饮+$2,特饮+$5,我地各叫一杯) 我地放低$140就走, 点知佢话"我地收加一架"我心念, 唔系挂服务咁差都好意思收加一,
我地行返埋去, 佢就话$157丫, 我地唯有比多廿蚊佢, 佢找3蚊, 念念下, 唔系㖞, 加埋一都系$154 only, 呃钱, 同个老板娘讲返, 佢熟手地掉返几蚊比我地, 好嬲呀, 为左呢间不知所谓既荼餐厅我特登登记做member写第一次既食评, 真系唔想再有人受害, 仲影响香港既声誉!!!最后念真d, 我都仲比佢呃左5蚊, 我都冇转煲仔, 都比佢加左钱, 大家千万唔好再帮衬佢呀!!
张贴