紫蝶花 (已結業)

呢间餐厅系翻新左既将军澳中心，睇网上评价好似麻麻。但经过望入去见d人台上面既野食都唔系好差又唔使排队于是就试一试佢~美禄恐龙好大杯，但面头冇我第一次饮果种劲多美禄粉果种夸张~另外有一层好滑既cream，好似食软雪糕咁~再呷一啖底层既美禄~可可味香浓~系我喜欢既味道!星洲炒萝卜糕见好多人推介就试一试，萝卜糕表层非常香脆，味道微辣，好香口，切成一口size容易食，仲食到萝卜丝，唔错!马来咖哩牛肋条咖哩香浓唔算辣，但牛肋条份量唔多，肉质都够林唔会好难食，我地仲点多个手抓饼点咖哩，手抓饼烟烟韧韧配咖哩汁最夹!泰式炒金边粉卖相好讨好，有d花生碎同辣椒碎系旁边，捞埋一齐好香好惹味。金边粉弹牙，炒得够味，湿润感刚好，唔会干争争。写完食评先发觉原来星马泰既野都食齐㖞~总括黎讲食物同饮品我又觉得系合格以上，服务态度都好好，侍应好有礼貌~其实都唔系好伏姐!