紫蝶花 (已結業)

新加坡菜餐廳新加坡海南雞飯佢d擺碟ok 有個木板托住 碟都係靚靚地但係...個食物, 個雞, 真係賣相一般海南雞好似係食緊白切雞咁, 斬到一舊舊 有舊骨中中間真係幾伏下油飯 但無咩味朋友叫左香焗馬來咖喱雞扒飯賣相ok 焗飯焗得幾香有芝士係面頭 

已經已經幫襯呢間高質良心餐廳好多次，每次都保持一貫水準，係我最欣賞嘅餐廳之一，今次party選擇咗呢間餐廳嘅到會服務，真心有驚喜同勁好味，嚟緊又到聖誕除夕，可以煩少樣，一定再encor😋👍🏻幫襯呢間高質良心餐廳好多次，每次都保持一貫水準，係我最欣賞嘅餐廳之一，今次party選擇咗呢間餐廳嘅到會服務，真心有驚喜同勁好味😍👍🏻我哋重點介紹👋🏻揀咗我至愛嘅🌟牛油雞翼🌟😍皮脆肉嫩👍🏻，味道一流🌟炭燒豬頸肉🌟😋Juicy軟淋👍🏻，炭香焦邊🌟青咖喱雞🌟😋足料嫩滑👍🏻，椰香味超正🌟椒鹽雞翼🌟😋嘢味香口👍🏻，食唔停口🌟泰式金邊粉🌟😋超大份，炒得剛好味道一流🌟泰式鳳爪🌟😋酸辣開胃👍🏻，小食必叫🌟大蝦沙律🌟😋份量十足👍🏻，小朋友爭住食🤣外賣到會好多時驚送到啲嘢食凍晒或者淋晒，但餐廳好用心將新鮮煮好嘅嘢食包裝好，加埋保溫袋再盡快送遞派出，所以送到時夠晒熱同仲好脆口，所以相當難得，堂食服務員已驚好有禮貌同細心，估唔到外賣都照顧周到👍🏻真心俾個叻叻你哋，好味抵食，性價比照高，今時今日真係好少有，希望你哋繼續加油💪🏻，我會繼續支持嫁😂嚟緊又到聖誕除夕，可以煩少樣，一定再encor😋👍🏻

體諒關心客人既紫碟花 應該係我有生以黎最最最有特色既海南雞飯，先講外觀，一黎到我已經爆左句: 嘩，碟雞咁核突既! 噢，Sor, 我唔應該以貌取雞。 淨睇已經知，係斬完再番蒸既雞，我當你唔係隔夜雞，可能係擔心天氣凍，所以蒸番熱比我，又幾窩心既... 到味道喇，嘩! 真係幾健康，幾關心客人既身體狀況，零味道充滿雞既天然腥味，係雞腥!過火既肉纖維質感考驗緊我牙骹既強度，真心佩服!跟餐既例水，唔單止用黎濕下口，反而同健康既雞肉有個反差，互補不足...飲一啖應該足夠一日鈉所需，呢個雞同例水既配合，簡直精彩!個油飯就唔多講喇，應該唔到我去評論了... 另一樣，叫既係咖哩牛腩撈檬...落完單，1分鐘內上枱，我明我真係明，咁有効率我仲可以講咩，反正同好多嘢一樣，都係“整定“咁... 相較海南雞下，咖哩牛腩撈檬就遜色左啲，淨係體諒客人牙齒既健康，將檬粉煮到可以用匙羹不黎食，近乎粉絲既硬軟，當然不得不1佩服廚師既用心; 個咖哩汁就非常掛汁，接近咖哩膏，幾乎懷疑係食緊甜品咖哩布丁! 跟餐飲品，新加坡奶茶應該都係因為關心客人健康，少茶少奶多水，感謝你。反而新加坡咖啡就普通左啲，無咩特別^0^!

7個人食飯 間間餐廳都無位 見呢間有就入左去叫左一個4人餐 一個2人餐先講咖哩 不論青咖哩定黃咖哩 都係無味無道 香都唔香咖哩雞同冬陰公雞煲啲雞 皮厚肉少 仲要得幾舊 配料青椒洋蔥就成煲 超唔抵冬陰公湯竟然可以無蝦 違反商品說明？炒貴刁 係好似呢到啲人咁講，真係好有獲氣呀 不過係燶左果隻獲氣呢連杯椰汁冰都係無味 可以叫椰水唯有合格既可能係得碟炒通菜 同豬頸肉不過如果呢啲都唔掂就死得服務又差 成枱都係吉碟都可以唔收下 阻住晒啲位總括黎講 佢有位係有原因 唔信嘅 歡迎幫襯下

晚市一家人出嚟食飯叫咗條蒸鱸魚，估唔到咁都會中伏！！！四個人叫咗幾碟小菜，食到一半條魚上嚟望落去個樣都「是是正正」，點知一用筷子夾開，中間魚骨嘅位置就有超大嚿血紅色嘅物體，似係一啲瘀血血塊，連帶魚骨附近嘅肉都染曬色見到咁嘅情況，我哋即刻叫經理過嚟睇，睇下可唔可以換過條魚畀我哋點知經理二話不說，就話：「冇得換」佢話佢哋呢度嘅鱸魚「條條都係咁，個個食過都話冇問題」「就算換咗，新個條魚都係咁」唔知係我見識少定係乜，但係從來都冇食過驢語中間係有嚿血塊嘅最後我哋都係食唔落，淨咗條魚就埋單走人影低張相放上嚟，都好想睇下有冇高人可以指點下，泰式蒸鱸魚係點樣

午餐時間，來到這間吃新加坡菜的餐廳，點了以下菜式： ~ 新加坡海南雞飯~ 春卷撈檬 海南雞飯都是一般水準，相比之下，自己較喜歡吃春卷撈檬，春卷脆口味道不錯 點了藍蝶花蜂蜜檸檬梳打，賣相就普通，覺得花味稍為重，但又不是花香那種味，像植物或葉那種味，而且蓋過了檸檬味，也不太覺有蜂蜜，整杯飲品喝起來怪怪的

今日經過將軍澳中心， 小朋友話想食粉麵，就入咗去間叫紫蝶花度食order咗個雞翼湯金邊粉， 自己就叫咗個同埋越式海鮮炒金邊粉。雞翼湯金邊粉份量較多， 味道比較清淡; 越式海鮮炒金邊粉就炒得很有鑊氣，份量亦充足， 基本上呢間嘢嘅炒粉麵類好食個湯粉麵嗰啲。 呢間餐廳嘅環境只屬於普通商場內的一間泰式茶餐廳， 趕時間嘅話都會返嚟再食， 因為比較附近幾間餐廳較為容易有位。

這間餐廳我們常常幫襯，雖然每次食物質素都不同，時好時壞，但因為吃到好味的機會率比較多，我們都常常來博一博。下午茶時間人流不多，不用等位直入。咖喱牛腩飯，熱騰騰咖哩撈飯一流，今次的牛腩肥瘦均衡，好味。還有一碗值得加$5嘅湯，熱辣辣，少味精，很清甜。檳城炒貴刁，次次嚟食都一定會叫嘅炒貴刁，可惜嘅係今次啲河粉淋左失色左，勝在夠熱補救。斑蘭咖央鮮牛油多士，這個質素好穩定，最值得推介，一定要趁熱食，香脆的薄多士夾著半溶的牛油，值得為它奉獻食肥野的quota!其實好多食物都要夠熱先至好食，這樣基本的要求，卻很多餐廳都達不到。

應友人邀請，這間食店可自帶海鮮加工，或致電預訂，由老闆親自代選靚海鮮。廚師手藝精湛，避風塘炒蟹惹味火熱，外殼炸成金黃色，一咬鬆脆，蟹肉鮮嫩多汁。另外椰汁芝士雞煲更是驚喜之作，芝士香濃，雞肉滑嫩，撈汁送到兩碗香飯。筆者再柯打肉骨茶和冬蔭公湯，味道適合香港人，又不失原來風味，一問之下才知是廚師的用心，抵讚。及後跟老闆聊了兩句，她大讚師傅煮菜用心、執著、堅持、敢試敢創，手底之下的撚手菜層出不窮，大大提升encore意慾。下次，下次再下次，定要試盡師傅所有拿手菜式。

仍然身處前線服務行業嘅我，係每次購物/堂食嘅時候，多多少少都重視其服務態度。唔知由幾時開始，大家有冇發覺好多時埋去「老麥」櫃台前買野食，其回應係零溫度、無尾音、木無面情甚至我遇過一面不屑嘅嘴臉，整個過程都唔會有一聲「多謝」，唔知以為欠佢地錢未還。呢個現象真係越嚟越「普及化」，有時候我真係諗返轉頭：「其實係咪我自己要求太高咋？你去買嘢，人地一定要同你講多謝嘅咩？」不過亦都係因為咁，當我又一次得到呢種體驗嘅時候，就可以係自己內心嘅清單剔除其選項，令本身有選擇困難症嘅我，係日常消費當中就越嚟越識揀，節省咗唔少時間同金錢，少幫襯咗「老麥」之後，人都健康啲😉今日又係將軍澳覓食，呢間我第一次食，食過之後我已經相信呢到會變成我嘅飯堂。一嚟佢夠近圖書館，二嚟佢餐牌上都有唔少選擇，最緊要嘅係，呢間啲店員親切又有禮👍🏼1️⃣好多餐廳員工為咗方便自己可以行少2步，就算係non peak hour，都會編排食客坐係同一區域，但呢間店員啲哥哥/姐姐，好樂意比你自行決定坐邊，亦不斷行走為食客服務，樂而不疲。2️⃣清潔度足夠👍🏼👍🏼就算卡位梳化，佢地係帶客入座之前都會仔細抹乾淨先（因為係我用餐時親眼目睹），實在難得！3️⃣幫你

基本上我黎呢間野都只係食佢既喇沙，所以就分享下我對佢地喇沙既感受。開張初期，佢哋嘅喇沙係好食嘅，湯底濃郁，不過差少少椰奶味。豬頸肉有煎香，有口感，整體係中上。但係之後有幾個月，我買外賣，個湯底仲有勁多未溶的喇沙醬，味道也很奇怪，所以有好耐冇再食。最近幾個月食返，又覺得ok返，咁ok啦⋯⋯點知！我幾個星期前食，係完全唔得！個湯底好明顯淡左，溝左水，豬頸肉冇煎香，而且係’梅’的，有一陣騷味。所以，應該暫時也不會再去了。

趁住新年放假，一訓醒覺已經到左下午茶時段，去開附近商場，就揀左入一間泰式鋪頭食個下午茶一入到去，諗左一諗，就揀左個金邊粉食，男朋友就揀左冬蔭公湯底既檬粉食首先講左我既金邊粉先，我揀左最普通既上湯豬頸肉金邊粉，湯底就冇乜特別，最欣賞既就係外皮卜卜脆既豬頸肉，食落油脂香味十足，而且分量十足，有成6至7塊至於男朋友果碗，個湯底就好好多，冬蔭公湯底味道濃厚，絕不馬虎，佢今次揀左雙拼豬頸肉加扎肉，分量亦十足，下次會再食

🌎紫蝶花 (將軍澳)大家聖誕節快樂🎄快樂不知時日過 呢個節日破費了 用左好多錢買禮物食好西 打工仔既我到左月尾勁手緊 將軍澳好難有平價好食又飽肚既餐廳 如果有推介比我吧！我搵左間唔洗加一送飲品餐廳 糧尾救星？！😂▫️香焗馬來咖喱雞扒飯$58（推介）香噴噴烤焗雞扒 鋪上熱辣辣嘅咖喱芝士，將芝士咖喱汁撈勻焗飯，每啖飯都包含住咖喱芝士味，十分香濃 唔會好鹹 而且雞扒肉質嫩滑 外皮仲有少少焦香，推介之選！▫️泰式豬頸肉撈檬$55佢既靈魂絕對係泰式酸甜湯汁 酸酸甜甜我好鐘意 唔會好酸 份量足既粉麵好彈牙 好似蒟蒻口感 之於豬頸肉 表面有烤焦過 十分香口入味 而瘦肉多過肥肉 正！分量十足又爽口 性價比高 小貼士：一至五免加一，送湯/熱飲人均消費：$57環境衛生：7/10推介指數：7.5/10📍將軍澳唐德街9號將軍澳中心1樓137E號舖

第一次進入這一間餐廳，睇到佢嘅越南菜都幾吸引之後我哋就入去食，諗住如果好食就會帶屋企人再試，我就叫一個喇沙以同一個貴叼，送餐俾我哋叔叔非常之有禮貌，當我哋食完之後去結帳，企在收銀機的男員工，這位員工不但態度非常惡劣，問佢是否信用卡，他只是用手指指着唔夠$250不可以用，不回應你，跟住不斷問(用咩用咩用咩)不耐煩，這間餐廳幫襯一次都嫌多，我唔會再幫襯這間餐廳😡

難得去到將軍澳，搵下附近有咩好野食，見呢間網上評價不錯就來食個下午茶喇沙豬頸肉雞翼米線 $48個湯底好喜出望外，非常濃郁好好味又不會太辣，香茅雞翼好香口和淋身，充滿東南亞風味，份量也相當多，估唔到呢個價錢有呢個質素超抵！美中不足豬頸肉可以再淋d，不過咁平唔會要求咁高，已經超出預期好食指數：😋😋😋😋😋冬陰功豬勁肉肥牛檬粉$48呢碗就相對失色，冬陰功湯底唔夠濃厚，味道唔係好出，幸好份量夠多，檬粉也順滑，呢個價錢都唔差Ge好食指數：😋😋😋泰式豬扒撈檬粉 $40呢碗真心不錯！豬扒好多，超淋好入味好好食，又多配料，酸酸辣辣好開胃，正好食指數：😋😋😋😋熱美祿好久無飲了，幾濃味又不太甜，好飲好食指數：😋😋😋😋.整體而言，一定會再去食喇沙，平靚正，性價比勁高，推介👍🏻