影片
更多
2019-11-05
79 浏览
每逢星期五，都会周围揾吓有咩新餐厅，想同另一半一齐explore一下。K11 Musea都开咗一段时间，但新餐厅数之不尽，当然仲未试得晒。今日就嚟到Dialogue食晚巿，估唔到都几有惊喜！原来Dialogue都系SP flower & tea room嘅line，所以一入店舖就见到眼熟嘅靓靓蛋糕！见到甜品忍唔住口嘅我，未食正餐就点咗一件日本白桃伯爵茶蛋糕。伯爵茶做base嘅mousse cake唔常见，茶香四散，口感creamy幼滑，切开后仲见到白桃冻，味道非常之夹。嚟到tea house, 又点可以唔试下茶呢？点左一杯茉莉桂花铁观音冷泡茶。近年cold brew tea盛行，坊间多数都以绿茶或青茶去浸泡。铁观音茶始终系我至爱，有淡淡回甘，而呢个cold brew tea仲有茉莉桂花嘅清香，味道层次丰富，解腻解渴。过咗一阵，正餐茶泡饭就嚟到了。茶泡饭一共有三款，我拣咗汁烧安格斯牛肉茶泡饭。托盘上有一张卡指示食茶泡饭嘅步骤，非常细心。首先可以呷一口茶，品尝茶嘅香味，再吃一口饭，感觉食材及米饭原味。之后再加入茶汤，享受茶泡饭。令我眼前一亮嘅系个茶汤—栗子煎，皆因佢嘅味道好独特，清香又唔会
每逢星期五，都会周围揾吓有咩新餐厅，想同另一半一齐explore一下。K11 Musea都开咗一段时间，但新餐厅数之不尽，当然仲未试得晒。今日就嚟到Dialogue食晚巿，估唔到都几有惊喜！
原来Dialogue都系SP flower & tea room嘅line，所以一入店舖就见到眼熟嘅靓靓蛋糕！
见到甜品忍唔住口嘅我，未食正餐就点咗一件日本白桃伯爵茶蛋糕。
伯爵茶做base嘅mousse cake唔常见，茶香四散，口感creamy幼滑，切开后仲见到白桃冻，味道非常之夹。
嚟到tea house, 又点可以唔试下茶呢？
点左一杯茉莉桂花铁观音冷泡茶。近年cold brew tea盛行，坊间多数都以绿茶或青茶去浸泡。铁观音茶始终系我至爱，有淡淡回甘，而呢个cold brew tea仲有茉莉桂花嘅清香，味道层次丰富，解腻解渴。
过咗一阵，正餐茶泡饭就嚟到了。
茶泡饭一共有三款，我拣咗汁烧安格斯牛肉茶泡饭。
托盘上有一张卡指示食茶泡饭嘅步骤，非常细心。
首先可以呷一口茶，品尝茶嘅香味，再吃一口饭，感觉食材及米饭原味。之后再加入茶汤，享受茶泡饭。
令我眼前一亮嘅系个茶汤—栗子煎，皆因佢嘅味道好独特，清香又唔会太重味，不会喧宾夺主。下次一定会再嚟试试其他茶泡饭！
张贴
