Grom (已結業)

本人超钟意食雪糕，去意大利更加系一日两杯gelato先够满足。久仰grom大名，终于有机会一试。一杯细雪糕可以拣两款口味，但要$59，媲美一餐午饭价钱，我估舖租都占左$30。佢雪糕味道有好多款，有啲系每月special。第一次黎都系试返最Classic嘅味啦。点左个两球，为左食得更畅快，特登要筒唔要杯。大热开心果味同埋crema di grom。前者好重开心果味，质地比软杰，食落口好似黏黏韧韧咁，唔太甜，正。后者奶香好重，加左粟米饼干同埋朱古力，好滑。果然名不虚传。另食雪糕用筒点都系畅快啲，可惜溶得太快，食到好论尽。大家如果同小朋友黎记住要用杯！