影片
更多
2016-04-01
1053 浏览
年几前因为开通咗港岛西延线，贪得意过咗去西营盘、坚离地城𠮶边揾吓食，其中一间喺Fish & Chick。最近，听到好友讲佢哋晌观塘开咗新店，唔使过海自然方便少少我依等九龙人。原来，间店都开咗好几个月喇。对比起西环店，观塘店明显地方大好多，坐得较为舒服。而装修一环，都喺以海洋为主题，所以，见到唔少相关摆设。墙身黄色撞蓝，几醒目，显得有活力！因为唔喺第一次光顾，所以，店内有咩食？咩喺主打？大致上都心里有数，不过，店员话依度加插咗啲意粉同一啲特别菜式，咁除咗主打嘅炸鱼薯条及烤鸡，咁就不如再试试点新嘢 。友人喜欢汤品，所以，就点选咗其中两款。汤类共有4款选择，本来想试个清鸡汤喺点，不过今晚就无供应，取而代之喺南瓜汤。 南瓜汤 $40 色泽橙红，落咗忌廉嚟调和，虽然入口个南瓜味唔算得好强劲，但感觉绝对清甜，而且，口感非常滑溜细致。 粟米蓉汤 $40 一啖落口就知有几坚，清甜味比个南瓜汤更浓，粟米嘅味道极之突出，质感嘅稀杰度恰到好处，实在好饮。 鲜奶咖啡 $30 小弟拣咗杯鲜奶咖啡，虽然拉花方面就真喺麻麻哋，不过，奶泡都算打得绵密，咖啡又几芳香，叫做不过不失，结终佢哋主打唔喺卖
对比起西环店，观塘店明显地方大好多，坐得较为舒服。而装修一环，都喺以海洋为主题，所以，见到唔少相关摆设。墙身黄色撞蓝，几醒目，显得有活力！
因为唔喺第一次光顾，所以，店内有咩食？咩喺主打？大致上都心里有数，不过，店员话依度加插咗啲意粉同一啲特别菜式，咁除咗主打嘅炸鱼薯条及烤鸡，咁就不如再试试点新嘢 。
友人喜欢汤品，所以，就点选咗其中两款。汤类共有4款选择，本来想试个清鸡汤喺点，不过今晚就无供应，取而代之喺南瓜汤。
南瓜汤 $40 色泽橙红，落咗忌廉嚟调和，虽然入口个南瓜味唔算得好强劲，但感觉绝对清甜，而且，口感非常滑溜细致。
粟米蓉汤 $40 一啖落口就知有几坚，清甜味比个南瓜汤更浓，粟米嘅味道极之突出，质感嘅稀杰度恰到好处，实在好饮。
粟米蓉汤
$40
29 浏览
1 赞好
0 留言
小弟拣咗杯鲜奶咖啡，虽然拉花方面就真喺麻麻哋，不过，奶泡都算打得绵密，咖啡又几芳香，叫做不过不失，结终佢哋主打唔喺卖咖啡，其实叫杯有汽果酒配吓炸鱼、烤鸡仲好，自觉有少少嗌错。
特色推荐菜有好几款，咸鳕鱼蓉、鸡肉卷、白酒鲜蚬及炒鱿鱼仔等几款，比较有兴趣喺个蚬。
白酒汁煮新鲜蚬 $90 哗，估唔到都几大份，有好多蚬，而且，吉壳唔多，够晒足秤呀！虽然啲蚬唔喺好大只，不过，就好新鲜，睇佢哋无边只煮唔开口就知啦；味道好鲜甜，带少少咸味，又几厚肉，而且，个白酒汁煮得颇香，所以，食完啲蚬不妨当汤饮番几啖，确喺唔错 。如果有啲餐包提供，更可以沾嚟食，记得晌马交食葡菜有一道柠檬蚬，都喺食完个蚬，啲汤汁用面包沾嚟食，好正架！
白酒汁煮新鲜蚬
$90
27 浏览
1 赞好
0 留言
跟住就品尝主菜嘅时候，就喺炸鱼薯条，上之就试咗鲷鱼、无须鳕鱼，今次睇到餐牌上嘅鱼类供应，又有唔同种类，仲标明来源地。
大比目鱼炸鱼薯条 $130 嚟自格陵兰嘅大比目鱼（Halibut），印象应该未接触过，加上写明独家供应，好奇心驱使就拣依一款鱼做炸鱼柳；鱼柳本身会伴有好多薯条，又因为烧鸡有伴菜，所以，炸鱼柳我哋就无追加伴菜！
大比目鱼炸鱼薯条
$130
28 浏览
1 赞好
0 留言
烤鸡喺另一主打，见有一款黑松露烤鸡，可惜是夜无卖 ，退而求其次就食番原味嘅法式烤鸡，反正友人未试过。烤鸡有全只（$180送两款伴菜）或半只（$90送一款伴菜），而伴菜有蘑菇、烩杂菜、薯蓉、青豆、甜粟米和沙律菜可拣，人少少半只鸡就够晒食喇！
法式烤鸡 $90 烤鸡焗得金黄，并且散发出阵阵香气，入口外皮带点脆，却唔油腻，肉质既嫩滑，又带点露丝玛莉香草味，水准依然。伴菜嘅青豆，睇落平平无奇，亦比晌超市见到嘅细粒啲，但却喺更有豆味，再者，轻炒过又较香口啲。
法式烤鸡
$90
27 浏览
1 赞好
0 留言
橄榄油炒香蒜片辣椒扁意粉 $78 讲明意粉喺依间店先有，当然试试其手势得唔得，意粉有6款选择（$68-$120），可选意大利粉、扁意粉或长通粉。我哋拣个中价嘅橄榄油炒香蒜片辣椒意粉，贪其简而精。一上枱已闻到超香蒜味，确实，睇样都见到扁意粉混入唔少蒜片。每炷意粉都充满蒜香，餐牌显示1只「辣椒仔」，其实都带点辣劲，而意粉口感啱啱好，咬落烟韧 ！卖相上，如果卷一卷起先落碟，就更好喇！
橄榄油炒香蒜片辣椒扁意粉
$78
47 浏览
1 赞好
0 留言
朱古力软心蛋糕 $65 友人误会咗喺心太软，无流心而感到失望，其实个朱古力软心蛋糕嘅朱古力味好香浓，味带苦味，中间软心就更浓郁软滑，感觉就喺迷你版半熟蛋糕；再拼埋云呢嗱雪糕一齐食，一冻一热，爽呀！
超脆苹果挞配云尼拿雪糕 $65 讲到超脆，又真喺并非浪得虚名，以酥香嘅酥皮夹薄薄嘅苹果片，新鲜热辣即食的确香脆，不过，苹果片刨得超薄，所以，食落苹果味唔突出，个人感觉有啲美中不足。如酥皮中间再夹入啲苹果蓉一同焗，效果唔知又会喺点？
再嚟多次Fish & Chick，唔止英式炸鱼保持到高水准，法式烤鸡亦都不俗，而新出品嘅白酒煮蚬及蒜片辣椒扁意粉同样做得出色，朋友亦非常欣赏！
张贴
