一鳴拉麵

营业中

休息中

之前食过一鸣丼食堂，好好食，一直都想食埋佢隔离间一鸣拉面，今日黎大埔墟，就食佢吧！其实呢条巷仔真系唔显眼，系要特登揾先会入黎。但都算多人食，系好食先会吸引到人黎吧！拉面有5款，我地叫左黑蒜猪骨汤，太面，拣左猪软骨。再叫左个芝士明太子玉子烧，同埋煎鸡软骨饺子。拉面先来，黑蒜油好香，但一开头冇咩烟，以为唔热，一夹起d 面，推开左d 油，d 汤既热气先涌出黎，有d 兴奋！枱面仲有炸蒜同拉面胡椒，加埋落碗面到食好香！糖心蛋、猪软骨都系出色既，仲有两块纸菜，都算多料。之后黎既芝士明太子玉子烧同煎鸡软骨饺子卖相都唔错，饺子好热，要放一阵先食到。 入面既馅都算多，胀卜卜。玉子烧都非常出色，蛋既熟度刚刚好，d芝士分布得几好，每一旧切开都有，加埋明太子既酱，味道好丰富，是必食的！Btw, 呢间餐厅d 日文歌几好听。