Home‧焙小日子 (希慎廣場)

营业中

休息中

听过呢间整蛋糕都有一段时间，喺唔同嘅商场都有见过佢哋嘅分店，玩过先知原来咁好玩。基本上整蛋糕或者整嘢食都系唔多经验嘅我，整完呢个都真系好有满足感同成就感。基本上佢哋嘅物资同整蛋糕嘅器皿都非常干净，就好似一个好似屋企嘅地方咁，你用嘢同食佢嘅野都会好放心。特别系屋企呢排多左个小朋友，我哋整蛋糕氹佢开心，庆祝生日系一个唔错嘅选择。又或者如果你好钟意整蛋糕，如果朋友有乜嘢庆祝活动都可以整一个蛋糕以表诚意。我自己都几满意佢地嘅服务，而且如果你整到有少少地方需要帮手嘅时候佢哋都会有支援。今日我哋整咗两个蛋糕，另外一个动物蛋糕真系非常之劲，睇个样好似好专业咁。原来只系焗几层饼底，加上生果，再加上忌廉加少少装饰就可以完成。我自己整𠮶个就较为简单，女仔一定钟意。琥珀伯爵生乳酪，茶味香浓，又唔肥，好适合爱茶人士，而且生彩略感觉还不错。呢度嘅蛋糕选择真系有好多，基本上你可以按自己嘅所想来整，四百几蚊，有得食又有得玩，其实真系算唔错。