樂湯雞麵館 (庇利金街) (裝修中)

收到资讯话这里可以鱼翅捞饭，于是同朋友落去望望，店舖就系在弥敦道行入一条街，唔难揾，店舖内座位都唔算太迫，但都好多人，所以要等位，系门口再望见到个鲍参翅肚餐，座下后就点了这个，在香浓嘅汤底内有软滑嘅花胶，同鱼翅，真系十分足料！汤底十分浓郁，加埋汤料，真系可以鱼翅捞饭，而个饭就系鲍汁海味饭，加埋个金汤花胶鱼翅，真系已经十分满足！但个餐还有海味一品煲内有弹牙鲍鱼、爽口海参、大大粒瑶柱、弹牙烟韧嘅花菇、同埋吸收了汁嘅花胶，真系都唔知由哪一边开始！除了汤，饭，煲外，重有份太白醉鸡，用上了花雕酒浸住只鸡髀，鸡肉十分嫩滑软熟之余还有香浓嘅酒香，十分好味！而朋友就系点了口水鸡配刀削面，口水鸡嘅鸡肉一齐嫩滑软熟带点辣，而红油花胶鱼翅饺，入口口感皮薄足料，味道浓郁；炸鱼皮亦大大碟之余鱼皮十分脆口，配上金汤，好味！今晚食得满足，价钱相宜，质素高，之后又多个地方可以食得好！