泰式燒烤

营业中

休息中

星期六难得出街食餐饭，隔离𠮶位话带我去九龙城揾好嘢食依家有屯马线真方便，出地铁站好快就可以揾到好嘢食。本身唔系谂住食呢间嘅，基于时间嘅关系，条人龙又太长，就转战咗去试泰式烧烤！本身系为咗食泰式烧牛肉，呢间都有得食，就叫咗呢样。牛肉烧到半生熟，肉汁丰富又有牛味，钟意食牛同食肉嘅朋友一定要试吓！咖喱炒蚬配泰式薄饼（可配蒜蓉包）大蚬好新鲜无沙，个咖喱汁一啲都唔辣，如果有啲辣味会更好，配上呢个泰式薄饼真系一流，脆卜卜同出面食开𠮶啲薄饼唔同好有惊喜，加埋个咖喱汁一齐食真系不得了（唔系好影到啲蚬添）有牛肉有蚬点都要叫返个菜，泰式炒杂菜，少少辣，正正常常，有椰菜、芥兰、椰菜花、西兰花、秀珍菇、芽菜等等。饮品叫咗椰青同青柠梳打美中不足系甜品得芒果糯米饭，无其他选择。糯米饭太饱了所以无拣到，下次有机会再试吓。埋单$382，价钱合理，饱饱又满足！虽然舖头细细，坐得好舒服就一定唔系嫁啦，但系啲泰姐姐都好有礼貌又跟单问我哋有咩嘢未嚟，食物质素又好，想食好嘢可以嚟试吓！如果多两个朋友嚟食就可以试多几样嘢食啦下次试吓铁板蚝仔，见到隔离枱食好吸引。